✔ 最佳答案
其實肌肉發展與增高亦無直接關係的，根本不全在增了肌就不增高的問題，係以訛傳訛；而身高主要是天生的。
理論上，任何運動在發育期做得過量都會妨害增高的。不過係好過量好激烈至會有這種影響，所謂過量運動，係講緊連續好幾年，每日都練十幾個鐘頭個 d 專業運動員或奧運選手啊，咁就會影響他們長高。
普通人，做下 gym 或其他運動，要練到那種程度是完全不可能的，就算你想練都咁劇烈都極度困難！要你連續打幾年 PS3/NDS，每日打十幾個鐘頭就或者還容易點吧？
圖片參考：
http://tw.yimg.com/i/tw/ugc/rte/smiley_18.gif
不過，一般都唔會建議 16 歲以下做增肌運動。要注意係 <唔需要>，不是<唔可以>。因為一般呢個歲數後肌肉至會開始發展，與增高無關係，亦唔係話過了 16 歲就不長高。
你今年只有 14 歲，我建議你做多點一般性鍛鍊，例如跑步，打籃球，游泳，增強心肺功能及骨骼強度，打好基礎及幫助發育，到１６歲再做增肌運動就事半功倍啦。記得要配合量好均的營養和充足休息呢!
當然，你真係好想鍛鍊肌肉的話，現在也可以做一點簡單的，游水就係最好的選擇，能夠改善整體身型，令你整個人看上去厚一點。而且游水係帶氧運動，增強心肺機能，強化骨骼 (骨骼並不能夠增長，只能增加強度)，係好全面的運動。
至於在家裡的體能鍛鍊有以下的運動：
1. 踎低起身：好簡單，踎低後再起身，動作要慢，唔好急，能夠強化大腿和臀部肌肉。隔天做，每次分開三組，每組 20 - 25 下，能夠做得到的話可以增加下數，每組之間休息 2 分鐘。
2. 踏步：搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。
3. 跳繩：在家中跳繩的話，就唔需要穿鞋了，免得噪住樓下。，不過最有舖個軟墊，或最起碼舖條厚毛巾，可減輕雙腿承受的震盪。
4. 掌上壓：做 3-4 組，每組 10-20 下，每組之間休息1.5 - 2 分鐘。如果你是男性的話，掌上壓不但增強體能，亦改善體型。不過如果是女孩子則不需要做這個了。
5. sit up：做 3-4 組，每組 15-25 下，每組之間休息1.5 - 2 分鐘。做 sit up能夠鍛鍊腹肌，不過先決條件係無肚腩。如果你有肚腩，暫時就不要做 sit up，要先用上面所說的帶氧運動減去腰間脂肪，才去做 situp 吧。
運動後記得要補充營養呢! 必須多食碳水化合物和合蛋白質，呢兩樣野都對強化身體都非常重要。
蛋白質：肉，魚，奶，蛋
碳水化合物：飯，麵，麵包
別忘記充足休息呢! 每天最 8 小時睡眠，而且定時上床/起床才能夠增強體能的，否則無論你點練，營養幾充足，體能和肌肉都不能增強的。
除了運動，亦必須要有均衡飲食，例如碳水化合物和蛋白質，前者提供能量，後者幫助發育和增肌。
亦建議你請教學校的體育科老師，我相信他們也能夠針對你的問題，建議你做合適的運動，始終我無見過你本人，又唔知你體能和運動習慣，只能夠提供一些籠統的建議，唔夠針對性。
另一方面，我並不建議你在家裡做負重運動，例如舉啞鈴 (或用其他重物代替啞鈴來舉)，因為重量訓練要由教練或懂得健身人士親身指導的，否則個動作做得唔正確的話，唔單只無效，重可能會受傷添。
