【法律問題】兼職工傷

這些問題不必在這裡問, 因為:
1) 在你受傷時, 有沒有入院, 入院時有沒有向駐院警察報案,
2) 有沒有向勞エ署エ傷組報エ傷, 如果報了エ傷,勞エ署會幫你追討賠償,
3) 又如果你想清楚整個エ傷的追討賠償手續和要注意的細節, 可以請教職エ盟, 電話已可以, 他們可詳細告訴你, 不要問エ聯會, 因為最近我亦有個人的勞エ問題, 職エ盟很熱誠地解答問題和提出可派人恊助, 但エ聯會便差很遠, 可以說幫不了忙.
還有, 以上所說的, 你都不用付錢, 都是免費的.

你發生的工傷個案，一般賠償分兩部份：
1) 無論你是正職或兼職員工，當你工受傷都會獲得勞工法例的保障，但賠償是跟據你工傷徦期多少及受傷程度由勞工處安排判傷決定賠償！
2) 疏忽責任：你提及在2008年12月13日,因清洗刨機時,【註:刨機是用來把雪藏肥牛,刨成薄片的機器,刀片十分峰利。】因此本人不小心滑手,撞向刀片令到左手食指根斷了90%。而清洗與刨機的運作,由這公司開業到現在,都是沒有人指導！這方面係有機會構成疏忽原因其中一個因素，而賠償是跟據你受傷對你日後生活影響經專業人事(例如醫生，物理治療師等)作出評估，致於法援係一個唔錯的途徑！相信這方面我可對你作出協助！但你和律師所簽的合約內容，上文並無提及，如欲進一步協助，可嘗試繼續聯絡本人 email : [email protected]
而你傷勢康復情況是因人而異，祝早日康復！

以你所提供的資料，大概可以對僱主進行 (1) 僱員補償訴訟 (2)民事疏忽索償訴訟。

(1)僱員補償訴訟

一般是只要你係响工作期間因工作的關係而受傷，你的僱主就需要按照＜僱員補償條例＞作出賠償。這個賠償的計算方法有好幾個項目，其中包括：永久傷殘賠償，暫時喪失工作能力賠償，醫療費用等。

永久傷殘賠償：等你由勞工處判傷後，以判定的永久喪失工作能力的百份比，再乘月薪及一個根據你的年齡而判定的基數。例如：月薪＄３０００ x 永久喪失工作能力百份比: 10% x 基數 96 (因為年齡是40歲以下) = HK$28,800.00。當然你的月薪是你意外前12個月的平均月薪，或者你意外前一個月的月薪，以較高者為準。

暫時喪失工作能力賠償，係因著你所獲得的病假，以五份之四支薪，病假一般不超過2年，超過2年但不多於3年的話，要交由法庭判斷是否必須。例如: $3000 x 2 個月病假 x 4/5 = HK$4,800.00。

醫療費用，接受治療的日子，每日$200，公立醫院的費用應該冇問題，不過私家就難講D。

如果你僱主响你受傷之後有俾過任何賠償俾你，都要响你索償O既金額度扣除。

(2) 疏忽索償：响呢個民事訴訟，你係需要證明，响你今次意外中，你O既僱主係有疏忽責任。例如話，佢冇俾安全工作指示，冇人教過你點用呢部刨機，冇俾任何安全用具(如鐵線手套)... 等等。

至於計算賠償方面，就比較複雜，除咗你因為今次意外而失去O既收入外，可能如果你第日係因為今次意外的受傷，而令到你日後O既薪金少咗，你都可以向你僱主申索。仲有就係痛苦創傷賠償，係要比較好多以前O既案例，以及考慮埋通脹等因素而決定。

至於關於你話律師O既問題，基本上，响香港，你贏唔贏你都要俾律師費，律師費視乎律師為你做咗幾多嘢，個CASE 要去到審訊定還是好早就庭外和解，以及做嘢O既係律師，師爺，定係見習律師，以每小時計算，草擬法庭文件及送達亦要另外收費，當然仲有其他雜費(如影印，郵費等)。一般數千至數以幾十萬不等。好難一概而論。不過，要注意，香港是沒有"不成功，不收費"的，廣告都有賣，呢D人可能會犯法。

如果你自己本身冇咩錢，最主要係冇樓的話，建議你及早申請法援，以令你得到公平O既司法待遇。