中五化學氧化還原問題一問...!!!!

上面個兩位人兄問非所答，人地問Fe2+係較強既還原劑但係點解會係Cl-放電?一個唔知講左去邊，講電解，一個就答緊人原先既題目，不過方向係錯左。

條題目原意係用稀H2SO4將KMnO4酸化，再同FeSO4反應，問點解唔可以用稀HCl代替稀H2SO4?首先解答你主要問題，Fe2+係較強既還原劑但係點解會係Cl-放電?原因好簡單，雖然Fe2+的確還原能力比Cl-強，但Cl-仍然有機會接觸MnO4-(好，解答完你主要問題)，所以它們仍會發生反應的，因此導致達不到原來的目的，所以不可用稀HCl代替稀H2SO4。

資料補充：唔知你會唔會問關於酸化既野，如只針對高錳酸鉀溶液酸化的問題，aywoman87解釋得不錯，你可以上去睇睇http://hk.knowledge.yahoo.com/question/?qid=7006042700066

咪問過人，淨係轉網址應該得掛= =，順帶一提，重鉻酸根離子的酸化是任何一隻酸都得（應該冇記錯）。

嘩！上面位大哥講得咁複雜。簡單咁講：高錳酸根係好強o既氧化劑，如果用鹽酸做酸性媒體，就會鐵II離子同埋氯離子一齊氧化，氯離子氧化後變做氯氣，氯氣唔係咁溶o係水，會釋放出來。喂！氯氧有毒嘛，好危險架！另外，兩個氧化還原作用一齊發生，條數又點計呢？計唔掂架。咁用硝酸得唔得？都係唔得！硝酸本身都係氧化劑，會出二氧化氮，又係有毒架。同上面鹽酸一樣，兩種氧化劑一齊作用，條數又係好難計。惟有硫酸，先至唔會發生呢類情況。所以逢用高錳酸鉀，一定係用淡硫酸做酸性媒體。