開餐廳要買咩保險??

建議購買店舖全保，包括：水險、火險、財物險及第三者責任險。另員工有冇同佢地供 MPF？有既話就要幫佢地買埋勞工保險。況且根據香港法例，MPF 同勞工保險係唔可以唔買，更加唔可以二揀一，因為畀政府或有關當局查到係犯法架，僱主好大責任。

至於幾錢同詳細情形，我諗你最好搵保險公司報價同查詢。專做財物險既公司或「一般保險公司」(即留意承保公司名有冇「人壽」/「Life」 字眼，若果冇既就多數係「一般保險公司」) 通常會平 d。

不過，最好搵相熟 agent 或比較有規模既保險公司，千祈咪貪平！買保險最緊要唔係平貴，而係無論服務定需要索償時都快夾妥！保險公司同銀行既主要分別就在於服務，前者 24 小時隨時隨地都可以打畀 agent (甚至有 d 公司有 24 小時專人熱線)，而銀行就......唔該o係辦公時間內去櫃台排隊啦～