點解叫做喔鬼食豆腐?

呃鬼食咩都好, 查實都係廣府話一句...
意思係講嘢天方夜譚, 要相信佢真係要超物質, 超想像力, 超乎邏輯的諗法...
正如我話你"一靜不如不動"一樣, 搲晒頭...

我知點解!!!!

因為鬼係透明,呃鬼食豆腐係數等d鬼食左會墜身,等佢現形然後捉左佢~~

隻鬼話：你無聽過鬼食泥咩？我食開泥，點會食豆腐．

師太話：呢ｏ的係豆泥，正合你胃口啦，快食快食！

隻鬼話：你有無攪錯，你話我豆泥？我子子孫孫清明重陽都燒幾套新衫畀我，我邊處豆泥？

師太話：畀你ｏ的靚衫來參詳觀摩一下？

隻鬼話：（變身！）呢套係用我五世孫燒落來ｏ既靚衣紙，再搵西洋達文西幫我設計ｏ既名衫，畀你見識下啦！

師太見呢件係男裝，心生一計，道：

睇呢件係男裝衫，但我唔信你係男鬼．

隻鬼：我有邊忽唔似係男鬼？

師太：邊有男人唔鍾意食豆腐架，你睇住件豆腐都唔食，你仲話係男鬼！死開！死肺癆鬼（請用肺癆英文簡稱意會，我唔想畀人話我歧視）．

隻鬼深深不忿，飛撲去件豆腐度，師太眼見得米．．．

2008-12-27 12:44:13 補充：
上一回講到, 隻鬼畀師太話做肺癆鬼，深深不忿，
飛撲去件童子冰鎮豆腐度，
點知一陣阿摩尼亞氣味撲面而來，
隻鬼立即精神一振．

醒覺道：
”唔怪得地府流行一句，呃鬼食豆腐，
唔好講話食，聞都唔掂！一陣”尿鴨味”，妳係唔係玩我！”立即撲向師太，想咬死佢．
師太忙道：”一向只聽聞人畀鬼玩，邊有鬼畀人玩架．我都係為你好．”

鬼道：”呃我食Ｏ的咁Ｏ既野仲話為我好！”
師太道：”你知唔知你點死？”

2008-12-27 12:44:26 補充：
鬼道：”咁耐之前Ｏ既野，真係鬼記得．．．唔係！係我係鬼都唔記得！”
師太：”你死，只因你時代唔知有尿療法．而家人唔死都死左，但尿療法仍有效，可助你治好生前殘留Ｏ既病痛，從速還陽．”

鬼道：”咪住！唔好當我死左唔ＵＰＤＡＴＥ　Ｏ的新資訊，尿療法只有飲自己Ｏ既取先有效！你都唔知去邊度攞Ｏ的取返來，擺明昆我，我要咬死妳！”
師太忙道：”你係鬼，你仲屙得出尿咩？”

鬼：”咁．．．”
師太：”我一早幫你諗好，呢Ｏ的尿，係由你五世孫生下Ｏ既蘇孲（最緊要正字！！）度攞Ｏ既．鬼屙唔出尿，親屬Ｏ的尿一樣有效．”
隻鬼聽完，立即撲向師太．師太心諗：我計盡矣，呢次死緊．

2008-12-27 12:44:48 補充：
點知隻鬼原來唔係咬師太，係抱住佢，道：
”吾死久矣，想不到陽間竟有一陌生人如此替我設想，吾很感動！”
之後拿起件豆腐，一咬而盡．結果重回六道，投胎去了．

師太大透一氣，說：”呃鬼食豆腐，原來真係咁難，下次咪攪我！”

全篇完．

以前有一個書生（什麽地方的人就有待查證），他的口才非常厲害，而且騙人E的功夫毫不含糊。
有一晚，有一隻鬼到了他的家里，這隻鬼已經很久沒有吃人了,要把他吃掉。但這個書生毫不害怕，就對這隻鬼說：“你要吃我啊？我已經很多天沒有洗澡了，我的肉又酸又臭，不好吃的。不如你吃我鍋里的豆腐吧，豆腐 比我的肉嫩多了。”誰知道這隻鬼很笨，對他的話信以爲真，把豆腐給吃掉。還說很好吃。
第二天，他又把他的經歷添油加醋地告訴村里的村民。那些村民 就說：“你啊，真是連鬼都讓你騙到不吃人，改吃豆腐了。”
到了現代，廣州人經常說：“你呃鬼食豆腐啊？”
意思就是對你地話極之 不信任。

2008-12-27 11:23:07 補充：
[鬼食豆腐]的歇後語是:無人信

你都話帶備豆腐同牙菜，咁始終都唔明點解唔叫呃鬼食牙菜???

我諗梗係每逢盂蘭節燒街衣時,必備豆腐一磚,牙菜一堆,所以有呃鬼食豆腐呢句話嘞!