嘉諾撤聖心商學書院

呢間學校有預科課程、文憑、高級文憑、專業文憑及證書課程. 通常到8月就會接受報名. 你會考放榜當日報預科亦唔會太遲, 因為佢要睇到你張成績單先決定收唔收你. 預科班通常收六十幾人.
文憑、高級文憑、專業文憑及證書學生可以修工商管理、市場及管理學、會計學, 有些科沒有證書及文憑課程. 證書及文憑讀一年, 高級文憑讀2年, 專業文憑讀3年. 讀文憑高級文憑、專業文憑要會考5科合格, 包括英文(即第2級).
預科最低要求要會考12分, 會考最少6科合格, 包括中文及英文及高級程度科目選修科. 例如: 想選修Econ就要會考Econ合格. 中化、道德價值觀(非高考科)、UE、企概係必修, 電腦及數統選其中一科, 之後會計及經濟選其中一科. (http://www.shccc.edu.hk/) 上年收大約12-16分.
因為呢間學校係私校, 所以學費係好貴, 亦無政府車船津貼及學費減免申請(但有葛量洪及讓全額資助學生豁免高考考試費). 你讀文憑或證書可以申請免入息審查貸款, 畢業後要連本帶利還錢. 所以你要想清楚你自己及家庭有無能力支付學費先好考慮讀. 學費資料可以去以下網址看.

2008-12-27 08:36:25 補充：
讀完中五你可以選擇預科、證書、文憑、高級文憑或專業文憑其中一個讀.

專業文憑比較高級, 所以要讀三年, 課程亦會比文憑及高級文憑長. 高級文憑比文憑高級, 比文憑讀多一年知識. 基本上, 三個級別課程頭一兩年所讀東西都差不多. 例如: 會計只有高級文憑及專業文憑. 專業文憑頭兩年就是學高級文憑的知識. 證書只是學文憑裡面最基本知識, 而且只係要求中五學歷, 你讀其他要你會考符合要求. 詳情你自己上SHCCC個網(上面有URL)睇.

2008-12-27 08:38:33 補充：
我唔知邊科多人選. 至於你想讀乜就要睇你將來想點樣. 想升本地大學就讀預科 (雖則入U率不高). 想起會計師樓做(不計Big4及2nd tier)就讀會計高級或專業文憑. 想做文員秘書就選工管. 想做市場推廣讀mkt. 唔好話邊樣多學生揀就讀邊科.

仲有, 學校通常會起面試後決定收唔收你, 所以學位表面係先到先得.