以下兩部相機,買邊部好呀??

✔ 最佳答案

兩部機規格真係好相近.像素一樣,感光完件大小一樣,連焦距及可用光圈都幾乎一樣.
唔同既地方有
FZ28可以影raw,如果你有心機執下相,咁執相既寛容度會好啲,P80只可以影Jpeg.
FZ28可以拍1280 x 720高清短片,P80只可以拍640 x 480標清影片.
另外FZ28仲可以玩每秒2.5幅連拍,如果縮細像素至300萬,仲可以去到每秒11幅.P80就只有每秒1.1幅.
以下網頁有兩部機既規格及樣本相,你會發覺影像質素其實都差唔多,FZ28邊位解像力會好小小,但真係小小,唔放到最大睇都睇唔到.
http://www.imaging-resource.com/DIGCAM01.HTM
我覺得FZ28好啲,不過佢比較貴,如果只係會影Jpeg,又唔一定要影高清影片的話,其實買P80都可以.