香港最搞笑的明星是誰?

周星馳響華人影壇係一個極具代表性嘅人物，原因係不少華人都已經視「周星馳」等於係「喜劇」。唔少華人只要見到周星馳，即使周星馳咩都冇做，都會忍唔住咁笑起嚟。其實響周星馳之前已經有好多搞笑演員演出搞笑片，好似許冠文、麥嘉等等，但影響力始終以周星馳最廣闊。佢嘅笑片好多人睇，係咁破票房紀錄，唔少香港人平時同人傾計嗰時，都不自覺用周星馳嘅對白，例如「你講嘢呀？」就出自周星馳嘅電影，意思係「你係咪喺度吹水？」

同時，周星馳嘅電影亦都令到喜劇成為繼動作片後香港嘅電影主流，後期片商開嘅戲，亦都多咗笑片。外地電影人一諗起港產片就諗到動作片同搞笑片，原因係港產片只有呢兩種戲先至真正影響全球。尤其係周星馳非常尊敬李小龍，所以佢嘅戲有唔少嘅鏡頭都係特別向李小龍致敬，例如安排某啲角色着李小龍式嘅衫，或者扮佢嘅武打動作。喺日本，除咗成龍、李小龍之類好受歡迎之外，自少林足球之後，周星馳嘅戲亦有好大嘅影響。喺嗰度甚至有位名作家將自己嘅筆名改做「馳星周」，以表示自己係周星馳嘅忠實Fan屎。

佢拍嘅戲除咗好多人買飛入場睇之外，重有學界專門研究佢嘅電影，重將周星馳定性為藝術家。由於佢喺咁多部戲入面都係以小人物由低做起，再加上佢自己低微嘅出身，所以唔少人都會當周星馳喺香港草根階層由低做起嘅表表者，亦有人將周星馳睇成香港精神嘅象徵。性格演員吳鎮宇都好感慨咁話：「我睇咗《功夫》，如果呢部戲唔係周星馳做嘅，大家根本唔會去睇。」

以前周星馳得確是頗搞笑的香港明星，
但這已經是多年前的事了，
現在的他拍的電影經常扮作有深度而不好看，已經不搞笑了

我認為近年最搞笑的香港明星是曾志偉和鄭中基

周星馳
成日扮鬼扮馬,講笑話.