由荃灣去太和火車站有冇巴士或小巴可到達?

你可以搭73X，係荃灣眾安街(千色對面)上車，在大埔寶鄉橋落車，之後向住你落車既方向向前行，你會見到有條溴河，之後轉左，一路直行，有一個垃圾站，之後轉右繼續直行會有間麥當奴，你再向前行，喺橋底入面既左手邊有條電梯係上商場，商場入面就係火車站了。而73X車費係$8.8，只得這架巴士適合，如果唔係，就只有塔地鐡到九龍塘轉火車了。

冇車直達
搭73X，要行一段路，約30分鐘
在大哺中心落車，向大哺官立中學果面一直行，經過條隧道，後橫過就到太和村
太和村隔離數步是車站
最好都是73x 落車後搭的士，唔跳錶既

73x 行過去雖然也頗快, 但若果唔熟路我驚你會好容易走錯路.

唔建議搭 72, 72 的班次非常疏, 而且計落車費仲貴過沙田轉火車, 點解仲要搭佢呢? 轉火車快好多.

71k 的班次也頗疏的, 平均約 15-30 分鐘一班, 但經常誤點, 我試過等o左 45 分鐘至有車o黎, 除非你好得閒, 否則唔建議轉 71k.

如果唔熟路o既話, 我比較 buy 48x/49x 轉火車, 可直接去到太和火車站, 唔洗搵, 又快捷.

如果識路o既話, 73x 再由寶鄉橋行過去也可以的.

搭73X（$8.8）再行過去算吧啦，唔好想埋咁多又貴又耐的方法，最多去大埔中心博多程$71K（73X轉71K有轉乘優惠，總計$9.2）

你可以先搭48X或49X到沙田新城市廣場...然後轉搭 72 號...總站就係太和喇...不過72號就兜埋入中文大學果邊....所以時間就會耐好多 (72號車程大若要30-40分鐘) !!! 其實搭49X係沙田轉返火車就係最好同最快嘅 !!!

搭48X/49X到沙田火車站,在太和火車站落.