西貢旅程住宿

西貢唔係長洲或南丫島，唔駛坐船，搭車去任何景點都可以坐公共交通一日來回。所以如果你唔係去啲特別偏僻，無公共交通既地方，咁你玩完一日之後根本唔需要住宿，即日搭車番歸就可。
由於上述既原因，所以西貢係無好似長洲既渡假屋，而所謂既住宿係指露營或宿營，但兩種模式都唔啱樓主既海鮮團。據小弟所知，西貢食海鮮既選擇唔多，最方便既搭車入去西貢市中心既海傍，嗰度已經有好多選擇。另一個較出名既係去布袋澳，但嗰度比較偏僻，好似要坐船入去，如果樓主真係想去，都係去左西貢市中心先，然後再問下係嗰度既船家點去。
由於西貢可以食海鮮既地方唔多，所以最好唔好唸住食完海鮮去行山，西貢市中心附近無野睇，布袋澳得個海灣。西貢最靚既景點全部都只係齋行經過，我想推介而比較易去既北潭涌及行遠啲既萬宜水庫西壩。搭車入去海下個沙灘行下都好正，嗰度係自然保護區，風景一流。海灘仲有清水灣(大清水)及銀線灣(小清水)可供選擇，兩個海灘都係香港名勝，風景及水質都唔錯。另外西貢既滘西洲依家變左公眾哥爾夫球場，係西貢市中心有船直接入去。
有兩個地方想提下。塔門係西貢外海其中一個大島，小弟聽聞嗰度有海鮮食，而且風景不錯，可以滿足樓主想食海鮮加睇景既願望，不過剩係睇塔門有啲嘥時間。另一個地方係蕉坑自然教育中心。嗰度有好多大自然既野睇，包括中草藥、昆蟲比你睇，而嗰度交通極方便，搭車係市中心前幾個站落車就得，而且有好多車經過絕對唔駛好多體力勞動，又唔收入場費，行晒可以消磨一個下晝。