倉鼠打架，傷勢嚴重．．怎麼辦？請指教一下

A.出現打交既情況,一定要分籠,獨立飼養,已經傷得好利害,萬一你冇睇住時再打,就會打得更傷甚至打死鼠鼠鼠係獨居動物,唔習慣同第隻一齊生活,而且係冇家庭觀念,你將佢地放埋一齊,除左會打交之外,仲好易會亂倫,一個多月既鼠已經有生育能力(所以在21日大已經需要分籠),而亂倫可能會做成畸胎,畸胎既可能可參考以下我回答既知識:http://hk.knowledge.yahoo.com/question?qid=7008010500869
而鼠爸鼠媽都唔建議放埋一齊,除左因為鼠媽已經受重傷,就算放埋一齊就算唔打得更傷or打死,再不斷繁殖落去,唔洗好耐就可能會有數十甚至過百隻鼠,而家5隻鼠都睇到有咁多問題,希望你可考慮唔好再繁殖鼠鼠

B.鼠媽傷得嚴重,而且眼睛都受傷,自己係處理唔好,最好盡快帶佢睇醫生處理,鼠醫生資料:
大圍珍禽異獸及寵物醫院 DR.TIGER/DR.LAM
地址:大圍積信街75號地下
Tel: 2687 1030
http://www.taiwaiexotic.com/
基本診金$290,藥及手術另計

旺角動物診所 - 梁醫生
九龍窩打老道66號A地下
電話 : 2760-1026
診金大約$280,藥及手術另計

C.如果其他鼠係輕傷,又唔係眼耳口鼻既話,打交受傷既處理方法如下:(睇醫生既鼠同時可留意以下既事,但要略去用藥既部份)
1)有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)唔好俾風直接吹到鼠鼠,要鼠鼠保持溫暖,凍天要留意既事可參考以下我回答既知識:
http://hk.knowledge.yahoo.com/question?qid=70081009023
7)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
8)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦

D.其實鼠鼠最好分籠,繁殖鼠鼠會有好多問題,希望你之後可以考慮唔好再繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

另近月出現做票情況,希望發問者可關注發問,並處理問題,謝謝!

盡快去睇獸醫，睇完獸醫就將佢地全部分開或將D正派倉鼠同敵方倉鼠分開(例如：鼠媽同鼠爸唔再打架，咪將佢地擺埋一齊。)
行動只是暫時性，觀察多一段時間後，覺得好D，才擺埋一齊。

請勿抄襲，否則檢舉！