難道友誼真係經唔起金錢既考驗?

我有一個幾Friend既朋友從上年開始因為轉工既關係，收入變得唔穩定，初時佢同我講要我幫佢交住D雜費先，第二日還返錢比我，起初佢都有比返我，但之後有幾次佢就一拖再拖，話遲D先，後尾又話要還錢比銀行(佢有一條銀行貸款)，唔想比息銀行賺所以問我借錢，等佢個朋友還錢比佢就會還比我，因為心軟所以我又借咗比佢，點知又係一去不返，佢個朋友係有還錢比佢，因為佢同我講話D錢攞咗去交保費，但又有同我講佢買咗過部新電視喎。
自從果次之後佢都有問過我借錢，不過我都搵藉口推咗，因為我開始對佢既誠信有些失望，每次打嚟都同我講話佢有幾慘無錢用，無錢交雜費，無錢還比銀行，雖然佢份工收入唔穩定，但我知一定夠佢基本生活開支，唔係佢都轉工啦，係唔夠錢比佢去玩，就係因為呢個原因所以咁絕唔再借錢比佢，如果佢真係無錢食飯我一定借，但佢唔會因為會無錢食飯而唔出去玩，我本身都唔多錢用，屋企都有負擔，但我寧願自己慳些都借咗錢比佢還比錢行，甚至將比屋企既家用都比佢應急先，就只係相信佢會過兩日會還返比我，但一而再，再而三，得返嚟只係對佢越來越失望，所以佢每次打嚟我都唔係好想聽，我知道唔可以全部怪晒佢，我都有責任，令佢太依賴我，又或者佢睇自己既問題就好大，其他人就好小，就連朋友都話佢厄我，之前我都唔信，但經過咁多次我都有些懷疑，我最生氣既並唔係佢唔還錢，而係枉費咗我對佢既信任，係我明白佢既困難時有無想過我都有困難(仲要佢係知道既)，我用這些做藉口唔借錢時佢仲問返我轉頭點解會無錢(佢知我有幾錢人工)，每個人都有些問題唔想同人講，而且有錢係唔係一定要借，我唔想用好心去害咗佢，有時仲係度諗係唔係我好厄所以係度厄緊我?
有時都聽都佢話將來有錢一定會還比我，唔係我唔信，而係唔敢再去相信