求卡路里及利弊分析

先此聲明，我唔識計卡路里的，不過一般的健康營養倒無問題，試下幫唔幫到你啦。

首先，論身高體重你係過輕了! 因為你的 bmi (body mass index) 只係得 16.6 (41kg / 1.57 / 1.57)，太輕了! 一般要最起碼有 19 才算健康，按你的高度即係要 47KG 才算 ok。

而且你得 14 歲重係發育中，咁樣對長遠健康同發育都不良影響的，露左好易會骨質疏鬆的，況且你都唔想連該大的地方都唔大吧？

再看你的食物，亦屬偏食了，唔夠營養的，難怪你咁瘦啦。詳細分析如下：

7:30a.m. OK便利店裏的鮮奶球包1個+菠蘿包半個, 阿華田一杯
- 早餐應該有碳水化合物同蛋白質，而鮮奶球包1個+菠蘿包半個都主要係碳水化合物同脂肪，欠缺蛋白質，最好改為腿蛋治一類。

12:30p.m. 楊桃6片
- 齋水果做午餐，你太過唔愛惜自己的身體和健康了!! 莫說你仍然發育，就算係發育完的成年因都絕不可以咁做的!

無論如何因定要有一碗飯或麵，再加蔬菜同肉類，怕肥的話可以選擇清淡的烹調方法，例如白灼清蒸等。

3:40p.m. 超迷你芝士夾心餅x5, 麥提莎1粒
- 迷你芝士夾心餅 ok，麥提莎1粒亦 ok，到底你係發育緊，食返 d 教高熱量的食物也是必須的，否則個人會唔夠體力，無精神的。

5:20p.m. 麥當勞橙汁(大)
- 麥當奴橙汁原則上都落好多糖調味，不過同上的原因：你係發育緊，食返 d 教高熱量的食物也是必須的，

6:15p.m. 焗芝士吞拿魚肉醬鴛鴦飯
- 這個 ok，有齊碳水化合物同蛋白質，焗飯通常都含高油量 (否則會鞋口)，整體還可以。但欠了蔬菜，最好自己加個飯後果。

9:00p.m. hershey's kisses milk chocolate with almonds x1
- 呢個時間唔適合再食甜食了，想食野就改為生果，例如蘋果吧。

10:45p.m. 滿記甜品 鮮雜果豆腐花(芒汁)
- 同上：呢個時間唔適合再食甜食了，想食野就改為生果，例如蘋果吧。

詳細的均衡飲食資訊，可參考以下網站，千歧唔好信 d 賣廣告的商業網站了，他們只想賺你錢：
http://2plus3.cheu.gov.hk/html/b5/sec1_index.asp?fname=sec1_index.aspx
http://www.cuhk.edu.hk/proj/growthstd/chinese/foodpyra.htm
http://www.info.gov.hk/elderly/publications/HealthyAgeing/Health4.PDF