我好後悔呀~大家認為我應該點做好???

我同一個男仔拍左拖一個半月到~
初初起埋一齊可能係因為我同我本身既bf關系已經破裂~
而且佢係對我非常好....乜都就晒我...所以我就揀左佢
而且佢本身既年紀係細過我2年....我覺得佢諗野太唔成熟....
甚至愛我愛得好過火....小小野就唔開心又成日係我面前喊~
我開始諗...我係咪真心愛佢先同佢一齊..還是我想有人錫有人愛~
同時~呢一個諗法我都好坦白咁同佢講左......
回應就係佢會陪住我直到我搵到我真係鍾意既男仔為止~
我知佢其實好傷心......佢同我講已經hurt到佢~
佢打比我既時候....唔知點解不自覺對佢d語氣就好差....好煩躁......成日話佢唔成熟
佢係不斷為我去改而滿足我~我知道佢真係一個好好既男朋友!
但我覺得佢因為愛我.....而好麻目咁對我好.....我問佢意見同睇法....佢永遠都只係識得和應我~
我慢慢開始知道我想要既唔係呢d野....我知道自己係想要一個教到我野.....比到回應比自己既男朋友!
而且覺得同佢一齊好冇新意同好悶~
講真我都知道自己已經好過份架喇.........


直到有一次...我要趕project.....我冇理佢2-3日~
當我做完左之後........我打比佢問佢做乜呢幾日唔搵我.....
佢就話費事阻住我做野~又驚我鬧佢~咁我又好野蠻咁cut左佢線......佢亦都冇打番黎哄我...
咁我就覺得好出奇.....到第二日....我係msn問佢點解咁對我.....
甚至我覺得我真係要同佢講分手...因為我覺得自己唔係真心鍾意佢~
之後佢亦同我講果幾日裹面識左個女仔.....
佢話個女仔識得對佢好..好fit佢...唔需要改任何既野~仲想同個女仔一齊~
咁我聽完之後就好有決心咁同佢講分手~仲祝福佢tim~
但果晚講完之後...我已經有後悔既感覺.......我覺得好唔慣.....
成日掛住佢...諗起我地以前一齊開心幸福既日子....
愈黎愈覺得自己係咪真係鍾意左佢.....
還是係我自己唔憤氣佢咁快鍾意左個女仔而由好愛我變到唔愛我~
分手既第二日....我好主動咁cool煲....
我同佢講我會改....唔會再話佢....會對佢好好....但係都好失敗佢唔肯同番我一齊...
之後我再問.....問到第三次佢都唔肯....
咁我就話我會死心...唔會再出現係佢既世界入面.....叫佢都唔好再搵我....我亦都唔會再搵佢~
其實我知道自己已經冇晒尊嚴架喇~
再到第二日......佢sd左個msg比我....佢話佢最愛果個其實係我.....
話想同番我一齊....
唔會再移情別戀......咁我當然好開心咁應承左.....
但係過左1-2日....其實我get到佢已經唔同左.......
唔會好似以前咁愛我...著緊我...掛住我~
我就問佢......佢話佢其實好亂~
可能係因為可憐我....唔想我因為同佢分手而唔開心影響到學業等等..
咁我聽完之後........我就同佢講話不如做番朋友~
佢竟然好開心咁答應我話好~ 仲勁多野講....個氣氛變到好輕鬆



今次之後.....我有種好解脫既感覺.....
但我知道我仲係好愛佢...好想同佢起番埋一齊~
因為佢其實係我既dream boy....可惜第一次既時候....我對佢無果種感覺~
或者係失去左之後先識得珍惜~講真我真係好後悔架~ >_<



如果他朝一日.........佢會唔會再揀番我?even佢知我會對佢好~
還是佢只會想同我永遠做朋友?
到現時為止......係咪做d咩都挽回唔到佢既心?
其實我係乜野心態?我都未清楚~
希望有高人同我分析下~~thanks!! :-(