我真系好唔開心!男仔系咪感易就變?

首先唔好咁唔開心。唔開心ｇｅ女仔會唔靚的，有男仔想追你都唔敢啦^^。

其實依啲問題我相信好多情侣都會遇到，其實我覺得會出現依啲情形係因為男同女之間ｇｅ想法唔同，女仔會重感情多啲，男仔重現實﹑理性。而且每個人都會間唔中鬧吓情緒，其實真係一啲都唔出奇。而且女仔會好記住啲細節嘢，比較細心，不過如果樣樣都比就只會令到自己唔開心。唔通佢送ge禮物多過你送俾佢都要計，兩個人一齊就唔好計咁多。你對佢好佢會感受到，自然會對番你好。

我同我女朋友都試過咁，有時我真係想番屋企先，可能沒嘢做，我知佢想我陪，但係就真係想自己一個人。我覺得要解決就係要大家互相坦白同遷就，我好坦白咁同佢講咗我想自己一個，佢就我一次，我下次就陪番佢，或者買番啲小禮物氹吓佢。你真係好唔想自己一個的話可以揾朋友，揾家人陪都可以的。有陣時你可以講定如果出現咩情況ge時候大家要點，例如我唔開心ge時候你要點氹番我。講到明可能你覺得會好奇怪，但係如果你真係唔開心ge時候，佢可以第一時間做到你想佢做ge嘢，其實會減少大家開火ge機會。

當然，如果佢應承你ge嘢做唔到，你可以話佢。最緊要就係咩都攞出嚟講，唔好自己收收埋埋。

坦白﹑溝通﹑信任我覺得係係埋一齊ge三大要素，缺一不可。希望幫到你。

2008-12-21 12:07:11 補充：
如果你想佢緊張多啲你的話可以係佢面前講吓其他男仔，等佢呷醋同着緊你，但係要適可而止。如果佢咁都沒所謂唔緊張的話，我諗佢己經唔愛你了。

p.s. 祝你幸福快樂。