屋邨板間房可選哪些材料及幾$?

間多一間房,2吋木板間牆,每平方米$480連工料.
房門,新做房門每隻$1,800連工包料.
最薄身是MDF板間,
施工期2天.
希望幫倒你啦.

我本人是從事裝修行業的，但我今次並非想接你的工程，只是我的工作經驗令致我想提出一些我個人認為也可不妨參考的意見。

你那句﹕『要推門, 門檻要閘斜角(讓門把那邊縮入以避撞趟板...』

相信你這句說話的意思是﹕房門想做掩門﹔由於那雙摺的趟板推動時會沿著房門外那幅木板牆移動而且十分貼近房門框，那末如果門鎖突出來的話就會撞板撞到應了，所以門框要做斜﹔以便關上房門後，房門能相對地等於縮入而不會日日都做「大俠嘭一聲」，對嗎？

假如是這樣的話，房門框門較位那邊要窄，門鎖位那邊要闊，門框頂要做斜，訂造斜的門框價錢會比較貴，而且在房內看，門框是歪的，鎖口位那邊會突了很多出來，感覺會比較怪。

有很多房門珠鎖有2吋半俾佢就已經過到，其實你只要用 1吋半 x 4吋半﹔1吋6分子口的門框就己經不會撞到門鎖了。又好睇﹔師傅又好做﹔又唔使咁貴，又唔使做大俠嘭一聲，何樂而不為？

嗱，你背熟佢﹕吋半四吋半，吋六子口.....吋半四吋半，吋六子口.....，跟住同番師傅講，佢會明架啦。

ｂy the way，想問番你一個問題，我只問耕耘不問收獲，如果你唔揀我做最佳解答安慰吓我既話，對唔對得住天地萬物？

2008-12-20 19:08:31 補充：
我醒唔起，房門果幅木橺格要做雙廊 ( 兩層骨架 )，咁d料錢就差唔多，人工仲可能會多少少添，只不過都係好睇d咁解啫，而家你要唔要我都對得住天地萬物啦。

恭喜哂你！你已經自由啦！

2008-12-20 22:57:48 補充：
原來係一場美麗的誤會，我已經睇清楚自己真實ge一面，原來我係咁蠢！
由於我並非想接這單工程，細節方面適宜留待承接這工程的人和你商談， 價錢方面更不便插手，否則會輪到我覺得自己對唔住天地萬物。

2008-12-24 18:59:01 補充：
其實這種在網上報明價的方式對任何一方都沒有好處，試作分析﹕
第一位報價者會被第二位報價者睇住個價嚟打，而第二位報價者又會被第三位報價者睇住個價嚟打。由於這種方式並不公平，故此無人願意行頭，總希望自己是最後的報價者，結果就令致客人浪費時間了。

若以電郵報價，保證報價單像雪片般飛來，而且人人皆知有兢爭對手，也一樣不會開天殺價的。

做工程總是要賺的，低於一般合理利潤之下，工程承接者唯有偷工減料，結果可能只會勞氣收場。