✔ 最佳答案
無論氣壓式罐裝噴漆﹔要調稀的揭蓋式噴漆或手掃漆,其漆膜乾透後都比較脆﹔爽﹔而且十分易碎裂,如果你噴得很薄或者找一些漆膜較韌的漆油,效果可能好d。如果你手頭上有的話,你亦可在手噴漆面再油一層力架或水晶油試看效果如何, (一定要隔幾日,等d油乾得好透先收羅絲) 不過我未試過。
此外,你還有另一些辦法。
你可以去五金鋪買一卷1吋皺紋膠紙。先鬆咗粒羅絲出嚟,貼張皺紋膠紙上去 (千祈唔好用其他膠紙 ,因為有d膠紙會留下膠漬好難抺) ,跟住喺膠紙面收番粒羅絲上去,羅絲頭噴好油之後,用界刂紙刀 (唔好用大既,要用細把果d,因為細界刀刀片薄d ,易界d) 沿羅絲頭外圍界番張膠紙出嚟。如果你要求好高,用呢種方法你要留意羅絲頭ge邊位會多咗一圈膠紙墊圈俾羅絲頭壓住咗。仲有,貼膠紙ge範圍要要大d,或者貼d報紙遮蓋多d位。
又或者羅絲原封不動,就咁貼張膠紙上去,先沿羅絲頭外圍界番羅絲頭位ge膠紙出嚟,再噴油。如果你要求好高,用呢種方法你要留意膠紙本身ge厚度係會令到羅絲頭ge邊位冇咗dddd油。
如果你擔心界刀會界傷你果件嘢,你把界刀ge刀鋒要向住羅絲頭ge邊位,即係界落金屬而唔係界落你件嘢度。呢個動作要小心,界刀好容易跣出嚟,小心界親自己。
又此外,重有最後一個返樸歸真ge做法,花二元去五金鋪買支尖頭或者叫尖口 (即是並非散口) ge毛筆番嚟。將你罐手噴漆 ge油噴喺一個兜仔度,用毛筆喺個兜仔點d油落羅絲頭,跟位上床大教瞓!