IXUS870IS防震

唔開閃光燈其實都未必會手震的.如果光線足夠例如太陽光下,曝光時間短,小小手震係唔影響的,但低光例如室內或者夜晚,曝光時間會變長.手持拍攝的話由於手震關係相就會矇.又或者被攝物郁咗一樣會矇.你要分清楚係邊一種情況.要涷結動作就唔可以靠防震,要靠高iso增加快門速度.
870IS要開防震可以按機背menu按鈕,進入拍攝菜單(即係相機形的menu),選影像穏定器模式內的拍攝時開啓就得,持續開啓取景時都睇到效果,但會比較耗電.
不過我覺得你個問題未必單單係冇開防震,一來防震只可以抵消約三級安全快門.快門太慢都係頂唔順的,二來如果被攝物郁咗,咁就算係防震都冇用的.
用腳架固定相機就可以長時間曝光都冇問題,但按快門一下動作仍有機會郁到相機,想絶對穏定要用相機的兩秒延遲自拍.
最後你可能睇到要用腳架已經唔想睇,如果唔怕啲相多雜訊,但求影到,你可以試下設定做iso 800, iso 1600最好咪用,用最廣角焦距(即係唔好zoom遠),搵啲嘢借下力就咁手持影,盡量握穏部相機,記得用埋兩秒延遲,相一定會好多雜訊,但矇的機會較小.
另外注意一下持機姿勢,我見好多人都係伸長晒手咁影相,咁穏定性係好差的,手肘最好貼實身體.
以下網頁有部機既測試
http://www.dcfever.com/news/readnews.php?id=2489