為什麼黑色高溫藥煲不用一星期就會發梅(mo)？

其實如果可以放大那黑色高溫藥煲黎睇的話，你就會看到其實陶瓷的表面份子原來是佈滿好多細小之窿的，你可嘗試用開鑊之方法來把這些細小的窿填補，方法是去豬肉檔買一舊開鑊用之肥豬肉，以慢火燒熱個藥煲，再用筷子夾住舊肥豬肉不斷塗抹藥煲的內層，注意，所有的物品和用具都千祈唔好濕水洗，乜都唔使洗的，包括那舊肥豬肉，好多人會開完鑊後就即刻洗，咁就錯晒囉，應該就咁擺係度放過夜等佢凍左先好洗，如果跟住呢個竅門做的話，咁你隻藥煲以後就會好好用，而且唔會咁易發霉的了。

因為用上肥豬肉來填補陶瓷上表面細小的窿，是因為肥豬肉加熱後會釋出液態的豬油，這樣那些豬油會充斥著那些窿窿，冷卻後，那些液態豬油就會變回固體（肉眼當然睇唔喇！），所以日後洗藥煲時，水份子由於再沒有空間可藏在藥煲的窿窿內，所以可以避免引致日後發霉的情況發生囉。