個男仔係咪仲對你有feel就唔知,正係知你仲好愛佢,你放唔低佢,果時講分手可以話一時衝動,可能果時同佢關係差左啦...有唔開心既事...
我覺得你唔好再追番佢,如果佢未對你死心既話,一早就叫你同佢復合啦...佢冇任何行動既話,即係佢對你死心,唔會再愛你,更唔會有追番你既念頭,而且,當初講分手果個又係你,宜家又想同人復合...好拖拖拉拉,唔灑脫,2個人分左手,就好難再復合啦...大家或者其中一方已不再愛對方,唔再係男女關係,你同佢真係一齊得唔開心,或者性格不合既話,就算復合都冇意思bor...最後咪又係分手收場,一定有唔開心既事先同佢分手姐...你要對你講過既野負責囉~講左出去已經冇得番轉頭啦...算啦...放手啦~做人灑脫d好,好過拖泥帶水,一時話分手,一時話復合,同埋你可能一時接受唔到分手既事實,唔慣同對方分開,先覺得唔開心,你要清楚自己既感覺,係咪一時鍾意先?好似果時一時想分手先?
不過你死都放唔低佢,好愛佢,可以追番人既,打電話或sms,最好約出黎見,問下佢仲對佢有冇feel,大家可唔可以重新開始,對方接受你既機會好低,你要有心理準備...佢唔接受既話,唯有默默祝福佢,一定要放手...
我唔想你追番佢,我覺得放手係最好解決方法...希望可以幫到你啦=]