生BB(是否壞孕嗎)

若果連醫生都話係有既，咁就好大機會都係有架喇，但係如果你真係唔信既，可以過多一星期自己再驗
產前檢查其實一驗到有就應該要去登記架喇，因為而家通常都會好爆。我十月果時去QE登記都排到一月中先第一次檢查
當然若果你係預備係私家做檢查同生BB既，就等多兩星期都唔會差得遠既
提埋你，若果你係去政府醫院登記既話，就記住問醫生，叫佢幫你寫封轉介信，到時拎住呢封信就可以去登記架喇

係有架喇 , 我初初自己驗果陣都係好淺色 , 第二日去睇醫生時都係好淺色 , 因為應該係有左無幾耐 , 果D荷爾蒙未係好多 , 所以咁淺 , 我第三日自己去照超聲波 , 原來只係得四週 , 唔怪得之咁淺色啦

其實應該係有左

我之前都係好似你咁,條線好淺色
醫生幫我照完話,我只有4,5星期,
係剛剛有左,所以條線先咁淺色

你可以聽醫生話,一個星期後,自己再買驗孕棒驗
應該會深色左

而你應該拎住張醫生紙去醫院
持有香港居民身份証可以到公立醫院做檢查
大部分的檢查都唔使錢
但有D就要俾錢

所以你可以先打去你果區的公立醫院問
"產科" 新症 要帶乜野 "地址証明?醫生紙?丈夫身份証副本"???

既然e生話有,應該信e生,
產前檢查其實兩三個月應該要做了,我有個朋友由懷孕至出生其間檢查左成十次有多!!(正常唔需要咁多次)


但我之前女朋友都試過好似妳咁情況,又係隔離有條好淺色的線,但佢沒有懷孕!