canon macro lens

EF 50mm f2.5已經出咗成20年,在今天來講是比較落後的產品,佢比起EF-S 60mm 2.8最大好處就係平小小同埋可以用在全片幅相機,如果你冇諗住換大片幅相機,其實唔係好建議.
EF 50mm本身放大率只有1:2,要加converter先有1:1,加咗之後最大光圈會降至f3.5.不是內對焦設計,近攝時鏡身會變長.而且冇超聲波摩打,你諗住用來當標準鏡的話會發覺對焦好慢的.光學質素倒是不錯,解像度只係輸EF-S 60mm f2.8小小,但由於係全片幅鏡頭,在遠攝時邊位失光比EF-F 60mm小,但微距時則差不多.
EF-S 60mm f2.8 USM係新一代APS-C專用鏡頭,唔可以用在全片幅.但本身放大率己經係1:1,唔駛加嘢.內對焦設計,鏡身在對焦時長度不會改變,有超聲波對焦,當標準鏡用對焦都唔會慢.光學質素當然亦係一流.
以下網頁有兩支鏡頭既測試
http://www.photozone.de/all-tests
EF鏡同EF-S放大率計法是相同的,唔會用EF鏡就可以放得大啲.
不過我覺得微距鏡來講,50,60mm有時係太短,在大放大率時有時會因為哄得太埋而擋到現場光,如果你唔駛要兼顧其他非微距用途,我會建議你買EF 100mm f2.8 USM macro較好.如果預算係問題,可以考慮副廠Tamron 90mm f2.8 macro.
如果要影昆蟲等容易嚇走的主題,為咗增加工作距離.更加最好買再長焦距例如180mm會更加適合.