不小心駕駛

現在你被控告不小心駕駛，我相信法庭方面已經 send 咗傳票比你吧！

既然嗰位無理乘客有心誣告你嘅，而你又無目擊証人可以証明到你當時係無辜，你亦都對於法律知識一知半解，說話表達能力方面缺乏信心，假如你選擇堅持出庭自辯嘅話，一旦在庭上講錯任何一項細節，裁判官分分會唔信你，仲可能會判你有罪。

通常喺呢類情況下，若果你對自辯係無信心嘅，我建議你應該先儘快揾律師協助，尋求法律意見，甚至聘請律師代表你出庭應訊會對你較為有利。

若果你經濟能力許可嘅，你可以自行聘請律師幫忙。假如你經濟能力方面不容許你咁做，你可以向法律援助署尋求協助。(詳情可以登入以下網頁看看：http://www.lad.gov.hk/chinese/ginfo/welcome.htm)

即使你係有信心自辯嘅，但依然要提醒你，當你在出庭時，一旦在庭上講錯任何一項細節，裁判官分分會唔信你，仲可能會判你有罪。其實有部份區議員或立法會議員都有為市民提供免費法律諮詢服務，你或者可以喺出庭之前約見佢地。雖然佢地未必可以代表你出庭應訊，但係聽一聽佢地嘅意見，都係會對於你出庭自辯方面，會有幫助的。

希望我的小小意見，可以幫到你！

2008-12-19 01:32:30 補充：
另外，若果你本身有加入工會組織，又或者的士團體，例如：工聯會汽車交通運輸業總工會屬下嘅的士分會，你亦可以選擇向這些工會或團體求助。

因為有部份工會或團體係駐有法律顧問，佢地可以代會員安排時間與工會或團體嘅法律顧問會面，協助會員解答法律上的疑難，而有啲工會亦會協助會員介紹法律顧問，面談時可免收談話費。
你可以到以下網址參考：http://www.motor.org.hk/

thanks!