✔ 最佳答案
每天跑步 1.5 公里，其實算偏少的，就算提升到 3 公里都只係一般，因為一個普通人行路，都平均每小時行 3 公里，你用跑的也只是 1.5 公里的話，恐怕是太輕鬆了。
要注意，體能鍛鍊的重點是時間 (30 分鐘或以上)，而非距離，而且要維持一定的心跳率，即係唔好跑一陣就完，亦唔好輕鬆到跑完都<面不紅氣不喘>，當然也不要勉強自己，搞到自己太辛苦啦。
另一方面，要提升體能，就先做帶氧運動提升心肺功能，包括你目前的跑步，踩單車，向上行樓梯 (行就得了，不用跑) 等等。平均每星期三次，每次30分鐘或以上就可以了。
初時做唔到咁耐唔緊要，慢慢加上去吧；當然，如果你體能上承受得都的話可做得密一點，每次做耐一點亦可以 (例如每次 45 分鐘)，最緊要量力而為。
至於在家裡的體能鍛鍊有以下的運動：
1. 踎低起身：好簡單，踎低後再起身，動作要慢，唔好急，能夠強化大腿和臀部肌肉。隔天做，每次分開三組，每組 20 - 25 下，能夠做得到的話可以增加下數，每組之間休息 2 分鐘。
2. 踏步：搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。
3. 跳繩：在家中跳繩的話，就唔需要穿鞋了，免得噪住樓下。，不過最有舖個軟墊，或最起碼舖條厚毛巾，可減輕雙腿承受的震盪。
4. 掌上壓：做 3-4 組，每組 10-20 下，每組之間休息1.5 - 2 分鐘。如果你是男性的話，掌上壓不但增強體能，亦改善體型。不過如果是女孩子則不需要做這個了。
5. sit up：做 3-4 組，每組 15-25 下，每組之間休息1.5 - 2 分鐘。做 sit up能夠鍛鍊腹肌，不過先決條件係無肚腩。如果你有肚腩，暫時就不要做 sit up，要先用上面所說的帶氧運動減去腰間脂肪，才去做 situp 吧。
運動後記得要補充營養呢! 必須多食碳水化合物和合蛋白質，呢兩樣野都對強化身體都非常重要。
蛋白質：肉，魚，奶，蛋
碳水化合物：飯，麵，麵包
別忘記充足休息呢! 每天最 8 小時睡眠，而且定時上床/起床才能夠增強體能的，否則無論你點練，營養幾充足，體能都不能提升了。
