點樣去蝴蝶灣燒烤場?

如果你係屯門站搭港鐵巴士Ｋ５２號便最直接去到，會有站落既，唔洗行
而搭西鐵線去到屯門站更可於出閘後四十五分鐘內轉搭港鐵巴士Ｋ５２號更可獲免費轉乘
你首先入西灣河鐵路站，搭港鐵港島線去中環鐵路站，跟住經過地下通道（入閘區內），去到香港鐵路站，接下來搭港鐵東涌線去南昌鐵路站，再由南昌鐵路站四號月台落扶手電梯，去中間上扶手電梯去南昌鐵路站二號月台搭西鐵線去屯門站
八達通收費為$22.7
跟住係屯門站Ｆ出口出，可以搭港鐵巴士Ｋ５２號（往龍鼓灘）直接去到
如果你唔怕行少少而平少少，都係入西灣河鐵路站，搭港鐵港島線，不過係去金鐘鐵路站，接下來搭港鐵荃灣線去荃灣鐵路站，Ａ出口出，直行，去圖書館果面，落樓梯
八達通收費為$11.2
跟住搭
九巴路線５９Ｍ號　荃灣鐵路站←→屯門碼頭
空調巴士全程收費為$7.3
總計$18.5
蝴蝶村蝶心樓落車，過馬路，直入龍門路即可
＿＿＿＿＿＿＿＿＿＿＿＿＿＿＿＿＿＿＿＿＿＿
至於聖誕節去，通常都好多人，你食完午餐過後好搵入霸定先，否則好大機會冇位，特別是六點後
（唔建議搭９６２的原因是較貴以及經黃金海岸，如果要直接去到便搭鐵路去屯門站再搭Ｋ５２，如果要平便搭鐵路去荃灣站再搭５９Ｍ）
（如果要搭西隧巴士線，應該去金鐘搭９６２Ｘ，不過你都係搭鐵路去金鐘嫁啦，咁點解唔去荃灣轉）

以上2友人兄的資料我都參考過...
但個人實戰經驗話你知, 直接搭MTR再轉西鐵入去最好!!!
雖然轉車站比較多, 但係起碼都係0係同一個地方出出入入ja...
起碼唔使又上又落跟住又去搵巴士, 架巴士又左轉右轉...
聖誕節都冇乜人去BBQ...而且天氣凍左...
咁當然你住西灣河? 依度去都成1個鍾有多...
你最好早上6點好出門口喇...

直接方便是先搭地鐵去天后，行去中央圖書館後面摩頓台巴士總站轉搭城巴962入屯門（車程約1小時左右），係屯門"湖翠路蝴蝶邨蝶心樓"落車，沿美樂花園旁的行人路行便可到達，沿途有好多買BBQ食用品的．
而你想聖誕節去BBQ，視乎你想咩鐘數燒及幾點完，以往試過由黃昏玩到半夜，最遲是在下午4 點左右便要去找爐．