有關萬能插蘇嘅問題 - Ans.fyi 參考答案

有關萬能插蘇嘅問題

2008-12-18 2:19 am

我有一個萬能插蘇 , 正面插位喺三脚長方形 , 旁邊同上邊插位喺三脚圓形 , 而後面有個紅色位有粒 fuse 嘅 , 我想問吓 , 依家淨係正面長方形嗰個插位work , 而旁邊同上邊個圓形插位都唔work , 請問會唔會因為後面粒 fuse 燒咗呀 ?

事原我有一盞小枱燈係兩腳扁插 , 我加咗個插頭變換器上去 , 將佢變為兩脚圓插 , 一直插喺拖板上面都冇事嘅 , 早兩日我加咗個萬能插蘇喺個拖板上面 , 正面長方插位插咗把風扇 , 但一直冇開著嘅 , 然後旁邊圓脚插位就插返盞燈 , 最初盞燈係著嘅 , 後來我唔小心撞咗盞燈落地 , 盞燈就唔著 , 我最初以為燒咗個燈胆 , 買咗新嘅換過後插返盞燈落去個萬能蘇度都係唔著 , 經反覆測試後先發覺係個萬能插蘇嘅問題 , 唔知點解旁邊同上邊個圓脚插位都唔work , 淨係得返正面長方形個插位work , 所以希望有人可以幫吓我 ! 唔該哂

個萬能插蘇係13A , 250V, 5A fused

希望有高人可以幫吓我 ! Thanks !

回答 (1)

Oliver_915

2008-12-18 10:14 pm

✔ 最佳答案

原因係果條 5A fuse 燒咗。

當日案發情形係咁既﹕

嗰日你開著盞枱燈，唔知做乜咁興奮一野就整咗盞枱燈落地下，燈胆既燈絲喺撞擊既時候震斷咗，而喺佢斷開嗰一瞬間，佢既脈衝電流係比平日開關枱燈既時候高出好多倍，高到超出5A fuse既承受量，於是條fuse就燒斷咗嘞。

你使咗既燈胆錢冇冤枉到，因為燈胆亦都真係燒咗，而家只需要用一字羅絲批撬咗紅色位粒 fuse 出嚟，攞去街邊水電鋪配番 (一定要係5A既 ) ，再嵌番落去就冇事嘞。

你個萬能插蘇正面插位三脚長方形係唔經呢條5A fuse 既，因為佢既電流係13A，用5A fuse掌管係唔啱既，5A fuse只係掌管三腳圓形嗰二個位，而且法例規定咗13A既插頭自己要有fuse喺插頭裏面，毋須再喺萬能插蘇用fuse管，所以正面插位三脚長方形係直通牆身插座既。

慢慢享受自修既樂趣！

👍 0 👎 0