以前我既生活幾幸福，屋企唔係有錢
但至少有時想買野屋企人都買俾我同埋咩都唔洗我做
做家務，煮野食都唔洗我做
由以前我就已經俾人縱壞哂
但而家呀媽對我勁差，本身我就乜野都唔識做既
因為以前乜都係佢做哂，佢有日就忽然打我同鬧我
話我成日乜野都唔做！
講左勁多難聽既說話，狂爆粗又對我拳打腳踢
我真係好無奈！
你都冇叫我做，同埋有時你唔係屋企我都有做 只係你唔知！！
咁後來我都有搵工做，但因為要讀書後來冇做喇
同埋我都做返自己應該做既野
讀完書我唔知前路點樣，所以就係屋企諗下未來條路點行
佢又發癲！
又話我成日係屋企好食懶飛，又係勁爆粗，又狂打我
由於我份人唔鐘意出聲～
佢又話佢病左果陣我一句安慰佢既說話都冇！
其實我真係好辛苦，因為我唔鐘意刻意改變自己
我本身就唔善於哄人，都唔鐘意咁做
佢仲話我咁ｑ黑人憎，呢世都唔會有人鐘意
總之乜野難聽既野佢都講得出！仲要成日屈我！
我根本一句聲都冇出過，佢仲要狂鬧，死都唔停口！
於是，我決定左做佢叫我做既野
但係，我真係好唔慣丫.......
大家明唔明由一個俾人縱壞既人到乜野都要自己做返果種感覺..？
其實我唔介意ｄ野要我做返，但我真係勁憎佢種態度
由以前我咩都唔洗做，到依家無啦啦要我做返哂
我覺得佢呢種教育方式真係好唔掂囉！
而家個問題係..
我好驚佢，見到佢我就想避佢..更加唔想理佢
聽到佢把聲我有種恐懼既感覺..
有時佢同我講野，我成個震左一震［係嚇到震］
點先可以唔再驚佢，我而家真係覺得呢個呀媽好陌生..
ｐｓ：唔該唔好叫我搵社工..因為搵過冇用！
更新1:
ｘｄ第一位你好搞笑.. 你講左好多但我都唔係好知你ｕｐ乜＝３＝＂ 其實我屋企係好窮 我諗佢唔係返工壓力大，因為佢呢排冇返工