倉鼠倉鼠的問題(10)

1.幫自己既寵物改名,我覺得最好係自己親自改,個個人喜好唔同,其他人又唔了解你既鼠,而且花少少心機同自己既寵物改名,都係對鼠鼠既一種關愛幫鼠鼠改名最好用疊字,因為鼠鼠係認聲音,疊字就易記D,咁叫鼠鼠就快D記得係佢自己既名;諗唔到改咩名既話,可以試下觀察多D你隻鼠既特徵,行為,再改相關既名
俾心機自己同鼠鼠改個好名吧,我同我既鼠鼠改名時都會好苦惱,但自己改感覺好好多

2.對鼠鼠最佳既溫度大約20-26度,天氣凍or溫度急降既時候,可留意以下既事:
A.保暖
凍既時候,可以用鼠專用棉,同埋用多d木糠,再放鼠鼠去適當既位置,一般在香港室內,其實都會夠暖
都可以買一d寵物用既暖墊,上一年Q-PET有得買專俾鼠之類用,而家唔知有冇,你都可以去爬虫店之類買既,Q-PET既早前見到既係5百幾,符合機電公程署既標準;其他既都有,$300左右

籠擺放既位置要留意以下幾點:
1)要放在通風陰涼處
2)唔好電視等等好嘈既地方附近,而電視更加係有電磁波,易令鼠鼠患腫瘤
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

B.鼠棉
同鼠鼠保暖既鼠棉,在天氣較涼既時候,一般鼠店都會買得到,主要都係以下呢3種質地

圖片參考：http://i176.photobucket.com/albums/w162/kelvin320/070920-1.jpg%20


1)最左邊啡啡地既係類似墨盒用既棉,比較軟,但你會見到有d雜質,我用手攪過同睇過,就覺d野都冇咩問題,我手皮膚敏感,好易會feel到d野有冇問題,有時掂木糠都會十分痕,所以咁試我覺得安全d
加上呢隻用唻做窩真係好好,佢一盒有3包,一包入面都幾大舊
2)中間既都ok既,比第一款冇咁軟
3)右邊既就唔好,七色,都有第款類似既係純白色,完全係人用既棉花咁既,所以唔係咁好,特別係一粒粒細細粒既呢隻,鼠鼠去做窩時會做得冇咁好

C.避免進入冬眠狀態
野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果真係都好凍,就要馬上睇醫生了
不過如果身處香港既話,放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,隻鼠都冇咩特別,所以唔洗太擔心.室溫唔會令人覺得太凍太熱,咁就可以了

D.危險既保暖方式
睇過一D網友講既保暖方式我覺得較有問題,可以留意一下避免意外發生:
1)唔好用人用既藥棉俾鼠鼠保暖,比較易令鼠鼠有過敏反應,過敏嚴重係會致命
2)唔好用毛巾蓋住個籠,原因如下:
a)如果係通風式既籠,鼠鼠會接觸到毛巾,鼠鼠好易會去抓毛巾,咁就有機會抓出毛巾既線,線纏住指甲就好麻煩,好難整得甩
b)放毛巾去阻擋光線,會令鼠鼠對日夜分唔清,咁會令鼠鼠身體產生混亂,失眠,情緒出現問題等負面影響
c)毛巾一時夜一時唔放,就好似不斷去改變鼠鼠既生活環境,一樣易令鼠鼠不安
3)唔好俾毛巾,衫之類俾鼠鼠,同樣都易令線纏住鼠鼠既爪
4)如果有暖氣,室溫有變化時,已經好暖就唔洗放鼠棉,同時留意返唔好將鼠鼠放太近暖爐

3.禽流感主要係同禽鳥有關,係禽鳥既感冒變異之後,令人都患病,同倉鼠係冇關係既
不過而家天氣較涼,呢個時候買鼠,易有以下既問題:
a)鼠店較凍既話,鼠鼠好易已經冷親,冷親又未有病徵時,就易買到病鼠
b)鼠店較熱既話,出到街再拎返屋企時,就會有強烈既溫差對比,鼠店->街->屋企,3個較大變化既階段
c)返到屋企之後,新鼠未咁快習慣環境,未必會用屋仔之類唻訓覺,有鼠棉都未必會用
d)天氣凍易冷親,如果係新手既話,未必處理or發現得到

但你已經買左鼠,所以只好努力唔好令鼠鼠冷凍

另近月出現做票情況,希望發問者可關注發問,並處理問題,謝謝!

個名可以係金倉/金桔(柑桔)/黃金寶.

如果隻倉鼠cold GE時候，佢會躲入自己GE屋仔
如果佢成日躲入自己GE屋仔GE話，
你應該將佢個籠搬去D暖D GE地方.
例如:近門口GE位
*(你一定要買間屋仔俾佢~如果未佢可能會好COLD)*

倉鼠就通常都唔會有禽流感LE D野
(不過禽流感活躍GE時候就好難講)

1.不如叫金毛仔
2.買d鼠鼠用既棉花俾佢......佢自己識搞掂嫁喇！！