用代用墨有乜要注意?

✔ 最佳答案

代墨有兩種，代墨頭及代墨水。代墨頭(如hp)係整個更換，代墨水係替補番注用，部份hp墨頭亦可番注使用，但買少見少。
購買代墨頭要注意型號及質素，後者好難估計，但經驗之談某printxxxx出品質量勁差，全新三色墨可以唔見一兩色，雖然有得換，但要你跑來跑去都幾煩。
番注墨要注意唔好等墨盒乾涸先注墨，一旦墨頭有空氣注入，就會阻塞墨頭，到時你注墨都印唔出。
代墨質素始終有別，如無過份要求，代墨亦可一用。