法律觀點功課大疑團，請各位專業人士指點！

1. 通常在刑事訴訟案件中, 好少會上到區域法院或高等法院先修改原先控罪. 因為警方在拉人時, 會先落住條含義好廣嘅holding charge (例如Theft), 以呢條 charge 將被告送去裁判法院提堂 (mention), 在查完單案後交個 file俾律政署. 律政署會考慮清楚最合適嘅控罪, 在提堂時正式提出, 代替咗條 holding charge, 並要求轉去上級法院 (區域法院或高等法院)審理.
上到區域法院, 審理此案嘅法官會安排一次提堂. 在呢次提堂中會訂下一個 "聆訊前審核 (Pre-Trial Review)". 在此聆訊前審核, 雙方及法官會睇吓雙方準備咗 d 乜 (例如會傳召幾多個証人, 有無案中事實可以雙方同意 (Agreed Facts)等), 同埋有無任何填删修改 (包括控罪, 案情等). 如果全部 ok 哂就會訂下正式聆訊日期. 如有嘢未解決到, 就會再安排多一次或數次聆訊前審核, 直到解決哂問題.
到咗開庭審訊, 就唔會再改. 所以如果控方覺得被告有可能犯 "藏有攻擊性武器" 或 "外出時身懷盜竊工具", 咁就會將 "外出時身懷盜竊工具" 以 "交替控罪" 刑式作出指控. 交替控罪係指當某人被告一條罪, 而唔成立, 咁法官 / 陪審團就要考慮埋交替控罪成唔成立.但如主要控罪成立, 咁就唔使考慮交替控罪. 除咗在謀殺案中一定有誤殺呢條交替控罪外, 控方唔係一定要提出交替控罪.
答番你問題:
1a. A,B C都唔係. 係在聆訊前審核階段先可修改原先控罪.
1b. 只有控方律師可提出修改原先控罪. 法官及辯方律師無權咁做.
1c. 控方律師如要修改原先控罪, 要預早向法官、辯方律師提出.

2. 控方律師嘅控罪內容, 只係一個大綱. 其中嘅詳細內容, 係根據証人口供而撰寫嘅. 但都只係一個大綱, 並非証據. 如果要更改, 係要在未提交控罪內容前, 由証人正式再落口供, 將 "用右手毆打了受害人1拳" 改為 "用左手毆打了受害人1拳", 然後先再根據呢點嚟撰寫控罪內容. 而証人呢份更改口供, 亦當然會 copy俾辨方. 辨方有可能以此攻擊証人嘅可信性.
又答你問題:
2a. 答案可以係 A 或 B. 証人可以在聆訊前向控方提出修改, 亦可在審訊期間在証人台作証時將 "用右手毆打了受害人1拳" 改為 "用左手毆打了受害人1拳". 當然, 咁改法會被辨方以此攻擊佢嘅可信性.
2b. 控罪內容係只有証人可以修改. 法官、控方律師及辯方律師均無權咁做.
2c. 証人可以隨時更改証供. 法官、控方律師及辯方律師無權修改.

2008-12-16 00:18:22 補充：
christine姐姐: 若果審訊地點是裁判署, 仍然要在開庭前 (即是在過堂時)修改原先控罪. 一開咗庭就無得修改. 而亦只係檢控官可修改原先控罪.

2008-12-16 00:24:31 補充：
裁判官只可根據証人嘅庭上証供及証據而判斷被告有無罪. 如果証人作供時話 "A", 裁判官可以選擇唔接納証供. 但一定唔可以話 "經考慮所有情況之下, 認為係 "B"". 因為咁樣屬裁判官個人意見 / 推論, 並無証據支持. 所以裁判官不可作出修改.

peterchan7708 先生，你的答案很詳細..........但.............若果審訊地點是裁判署呢！那麼，於審訊那一個階段，《法官、控方律師、辯方律師》可修改原先控罪？？？是在(A)：開庭時，(B)：審訊期間，(C)：控、辯雙方盤問完結及控、辯雙方已經作出結案陳詞，法官宣讀判決書時！


而若果在裁判署，原先控罪內容是指被告“用右手毆打了受害人1拳”，當控、辯雙方盤問完結及控、辯雙方已經作出結案陳詞！！！.......但..........法官在宣讀判決書時，先表示經審訊後，未能確立被告是用“右手毆打了受害人1拳”，但經考慮所有情況之下，認為被告是“用左手毆打了受害人1拳”，在這階段，裁判官可作出修改嗎？？