✔ 最佳答案
禽流感主要係同禽鳥有關,係禽鳥既感冒變異之後,令人都患病,同倉鼠係冇關係既
A.如果你媽媽係怕有菌既話,可以試下解釋俾佢知:
每樣野都會有細菌,但倉鼠並冇老鼠既傳染病,除非你對倉鼠係敏感,如果唔係,倉鼠處理得好係唔會令人唔舒服既.處理得唔好就好似食野唔洗手,有傷口又唔理,咁就唔理係咪倉鼠,都好易令人唔舒服
病就好少會由鼠傳人,得一隻沙門氏菌係有可能,不過多數對都冇咩殺傷力.有沙門氏菌就會肚瀉,鼠鼠幾日內就會死,但唔係次次肚瀉都會係沙門氏菌,唔放心既話,你隻鼠有類似情況而死,可以拎去俾獸醫睇下既.生雞蛋入面就有好多沙門氏菌,對鼠鼠唻講係好易致命,但對人就可能只係肚瀉,所以都唔洗太過驚既
以前倉鼠係貴族既寵物,可想而知,倉鼠都真係幾安全架.特別對倉鼠敏感就麻煩d,我本身都會有,只係唔嚴重
而鼠同鼠之間就會有d病較易傳染,例如肚瀉,感冒,傷風,濕尾症(有壓力 or 細菌感染,有肚瀉徵狀),都係會傳染俾其他鼠既,而人既感冒都會傳俾鼠(鼠感冒唔會傳人)
B.解釋完可以試下去說服家人同解決問題
媽媽覺得多菌同污糟既話.可以同佢講,會照顧好鼠鼠,會打理鼠鼠,唔會好臭都唔洗籠,唔會三分鐘熱度,照顧寵物可以培養責任心
養一隻鼠既話,用既錢其實唔係好多,第一次買用品係會用得較多錢,可儲定一筆錢,用自己錢買家長較易接受
同時表明就算鼠鼠生病都唔會唔理鼠鼠,鼠鼠睇一次醫生唔平,所以會為鼠鼠既生活同醫療做好準備,為鼠鼠儲錢,咁就可以培養儲蓄呢個習慣
當然,同家人咁講既同時,都真係要做得到,我家人怕鼠,都覺得臭,初初都係唔俾我養,最後就係傾好晒,先俾我養,不經不覺都養左十幾年了
千萬唔好買左返唻先算,睇過不少偷養既例子,有D俾家人掉左隻鼠,有D收得太埋整死鼠鼠,有D走左鼠都唔敢去搵,好多都係悲劇收場
C.不過就算家人俾你養,最好就等天氣冇咁涼先,涼既時候買鼠較易買到病鼠or買返唻再生病
其他養之前要考慮及飼養方法可參考以下我回答既知識,學多D了解多D先養,對鼠鼠好,又易令家人知道你會懂得打理:
http://hk.knowledge.yahoo.com/question?qid=7008050302859
而鼠鼠用既物品資料及價錢,可參考:
http://hk.knowledge.yahoo.com/question?qid=7008070102624
