東京5日4夜行程....幫下手俾俾意見我

我建議你第四日去深大寺同鬼太郎影相, 深大寺係一個好有日本風味既地方, 由新宿搭王急行線到調布站, 係車站門外搭巴士前往深大寺, 一落車就有好多鬼太郎同你影相, 而好多建築物都好古色古香, 行下街影下相, 再唔係食碗好出名既蕎麥面, 之後係落車個巴士站對面搭返巴士去吉祥寺或三鷹美術館(宮崎駿博品館), 不過要早一日係便利店買飛(1000 yen一位成人, 逢星期二休館). 裡面有好多宮崎駿動畫既展品, 可以影好多相, 再由井頭公園(我唔SURE井頭公園有無櫻花睇)行去吉祥寺shopping及食松板牛肉ball! 然後搭返JR返新宿就OK喇! 咁就過左好充實既一日!

如第五日無咩地方去, 可以去東京鐵塔參觀, 夜晚去仲靚!

我唔知道你的到步和回程時間，如果你Day5下午機返港，你應該冇咩行程，或者你可以考慮吓調調行程用Ｄ時間來買手信。

東京賞桜的日子，若果以今年為例大約3下旬至4月上旬，我今年(27/3-31/3)都在東京賞桜，剛好是最盛開的時候。桜花開的日子都好睇天氣，但09年的賞桜情報還未有，相信要到09年3月才有預報，以下給你的是08年情報作參考。
http://www.rurubu.com/season/spring/sakura/list.asp?KenCD=13

有關觀光的地方，近東京市的可以考慮，<新宿御苑>或者遠少少去吉祥寺的<井の頭公園>，這2個都係賞桜的地方，而<井>仲可以在個湖中踏水上單車賞桜(好靚架)。如果行程可以調動去遠D的地方，可以考慮去<箱根>，會有較多觀光的地方，但箱根至少要去1日，最好有2日1夜。家陣距離3/4月仲有時間，你可以再計劃一吓。

希望可以幫到你啦！