其實我聽得出，個小朋友係響度扭計，但係d大人哄佢，佢就會變本加勵，喊得仲大聲，好煩！我成日晨早比佢嘈醒，個人就會炆足成朝！夜晚返到去，又要聽住佢沒完沒了咁喊，好折磨！
其實我只係試過一次成功向佢地個菲庸稍為反映過，叫佢地唔好響公眾走廊度跑同喧嘩，後來佢地響走廊嘈，我一想開門話佢地，佢地就即刻彭門番入屋！至於佢地屋內ge活動，我都唔知好唔好話佢地！
加上佢地本身無乜公德，d鞋成日鋪滿條公眾走廊，連BB車都擺埋去我度門前，令我出入都有困難! 我打過幾次電話去管理處投訴，佢地先至收斂少少(其實仲係擺緊一兩行鞋響走廊! )可能因此成家人都好悔氣下，從來唔會同我打招呼！(除左個菲妹!)
我認為，個細路咁係因為d大人唔識教佢，有時我聽到個阿爸專登整到個細路喊，好似好好玩咁，有時佢唔高興，又試過將個細路放左走廊由佢喊，但我一想出去話佢就收番個女！
我已經積極搵屋搬，不過短期內我都仲要對住呢家人，我可以做d乜去令佢地改善呢？
更新1:
個細佬響夜晚11點後，會明顯喊得無咁勁...佢地玩灰色地帶
更新2:
首先多謝你地ge意見！其實我有關窗之餘仲聽埋音樂，盡量響最尾果間房活動作息，都仲聽到佢ge聲！ 我都唔明，小朋友唔係應該係最開心ge咩？點解要每日以淚洗面？！尋晚佢喊足三個鐘，今日下午佢又狂喊，我走去敲佢門，但佢d屋企人都唔肯開門，我開始懷疑個細路係咪比人虐待？睇黎我要錄低佢d聲去社署，睇下個小朋友有d乜野要人幫。
