養龜的知識

d龜仔第一日來到新屋企就係咁架啦,唔習慣ma。所以宜家唔咁放膽出來食野,但係拉屎方面佢就一定要拉既,所以未唔敢食野,但係就一直向到拉囉。

1.如果要買糧佢食呢,我反而唔推介你買活糧。首先,活糧好可能唔乾淨,你又唔知邊度來源。第二,「煩」因為以我經驗,活糧就一定要洗既,而且活糧隻龜會好快食曬,成日要買,總會令水質無咁乾淨。
所以我建議你用乾糧,我用開條狀個隻,都幾好用,龜龜食開,成日「發盟陣」要我俾佢食(即係成日衝去我度,要我俾野佢食),看得出佢好鍾意食,個牌子既名係"Nutrafin max"。乾糧因為係乾既無咁易細菌滋生。唔洗好似活糧咁要洗乾淨,唔會好快食曬,唔洗成日就去買既,咁未經濟一點囉!

P.S:我唔建議你買粒狀個隻,我認為條狀好d。

2.龜龜唔可以成日沈係d水度,所以一定要有一個「岸」俾佢休息同曬太陽。你可以用海棉放係缸邊,當然海綿一定要高過水既高度。而我宜家就用緊浮石,浮石係一種浮係水面既石。我認為用浮可好用過海綿,因為浮石好洗一d,而海棉就難洗一d了,因為d污糟野積係海棉入面好難洗乾淨入面。但係海棉有一樣野好,就係平好多,又可以自定海綿既形狀,而且龜仔大得好快,咁就可以隨時換一塊綿啦。

所以話,各有各好。浮石第一,易洗,第二,因為浮可因為係浮係水面,所以會乾爽一d,龜仔曬太陽係會鍾意一d。而且因為浮係水面,所以水底下面的空間就會大好多,雖然係貴過海綿,但係十幾紋一舊,而且長遠來講,都唔算話好貴。

海绵都好,因為第一「平」,第二,可自定形狀,但係因為沈係水度,又吸水,好濕,而龜仔曬太陽就為乾爽,温暖,咁佢就無咁鍾意啦。仲有,水底下既空間就細好多啦。

3.水既高度就係,佢個背既厚度,再加 1.5- 2.0 cm,總至就係佢可以伸到個頭出來呼吸就得啦。

4.個缸就視孚佢有幾大隻啦,所以要過一段時間就要換缸。

5.一日餵食一至兩次,要看佢幾大隻而增加餵食量。要度佢既背既長度,由佢既尾巴度到頭,如果佢係3cm長,每次俾1-2粒就ok啦。4-5cm俾4-6粒。6-8cm俾6-7粒,到9-10cm就可以俾9-11粒啦。

6.換水方面,每3日就換一次。因為d龜仔成日拉屎,所以d水好快就濁曬。

7.因為龜係冷血動物,所以一定要曬太陽,來提升體温,曬太陽仲可以提升免疫力「一定要曬太陽!!!!!」所以你最好將個缸放係window邊。

8.仲要每星期,幫佢擦背,因為d微生物寄生係佢既背度,對佢唔好。

如果你依照我咁做,你隻龜仔應該會好健康啦。

2008-12-14 13:20:10 補充：
缸方面我建議你用膠缸,因為夠經濟又實濟。glass個隻就易碎,又貴,唔建議。我認為AA牌幾好用,困為個缸底夠闊。如果你買其他牌子,好多時個缸口會好闊,但係個缸底就又窄又細。

其實你可以唔用暖管,,亦可以唔用燈來照,因為貴,亦都係你話要經濟一d,所以只要你放缸既位置,陽光夠充足就得啦。我自己都係一直咁樣養開,一直都無太大問題出現。

到冬眠多數都會睡幾個月,以我上年既經驗,係在冬至既時候就開始睡。

如果你仲係擔心佢真係有病,係可以用「龜康寶」,大部分水族鋪都有得買,我認為都幾好用。我隻龜龜病左都係靠呢隻藥好返。
不過我都係建議你現在買定先好,可作防預之用。

2008-12-16 15:43:49 補充：
冬眠個陣時佢活動會減慢。

龜冬眠個方面,其實最好既保暖工具係天然陽光。所以我先至多次強調要將個缸放係有陽光既地方!!!!

不過,如果天氣真係非常非常冬的話,又加上長達幾日,甚至幾個星期無陽光的話,就當然要用燈照住啦!

再如果隻龜冬病左既話,就要一邊落藥一邊用燈照,或者仲要用暖管水保溫。

順便提一提,如龜仔真係病左的話,多數會成日訓覺,完全唔肯動,如果真係有呢種情況出現的話,就要好似我之前講咁醫佢啦!

2008-12-16 15:49:50 補充：
到冬眠就唔好餵佢野食啦,多數d龜仔會係冬眠之前食好多野來儲存能量,所以係個陣時最好就餵多一兩粒啦!

還有,佢冬眠既時候最好不要搞佢,咁樣會阻住佢訓覺,佢唔鍾意架!!!

問題一)
佢十日唔食野而有屎屙,
都算正常既,
天氣凍左後,
龜係活動量減低,
而食量都係同樣少左嫁~
要解決呢個問題,
最主要係每日都比佢曬太陽(有可能的話),
至於水造溫暖,
可以買射燈、太陽燈或暖管~

射燈係龜店一般會用既,
而太陽燈就好少見,
而且價錢都幾貴,
聽講就可以提供太陽中既uva同uvb~
至於暖管就最實際,
以我見過最平係45蚊左右,
夠用d10吋左右既缸嫁啦,
主要係放係水中發熱令水變暖,
上水前要先關電源呀~~
當你提供左溫暖後,
可以再試試放糧比佢食,
睇下佢食唔食~
我隻巴西龜曬完太陽後都開始係咁食返野,
曬太陽其實係既唔駛錢又實際既方法~
問題二)
活糧方面有：
．紅蟲
．ｕｖ蟲
．豐年蝦
．山坑魚（大龜）
．山坑蝦（大龜）
．蝦乾
其他知識：
．避免放龜箱係吹風位置，放係陰暗、遠離窗口既地方，如飯廳
．冬天一定要比ｄ水龜飲
．可以加裝暖管、射燈、太陽燈等保暖器材
．冬眠期間唔駛放糧比佢
．唔駛換水，不過想換都無問題
．盡量避免整醒隻龜
．冬眠過後，直至２－３月左右會食返野
．冬眠前既１１、１２月最好比多ｄ野食佢過冬
以上都係我既知識同意見，
如果仲有其他問題都可以再問嫁，
希望幫到你對龜既認識啦～

10天唔食野, 又唔係冬眠, 直頭係有出無入, 唔食野咁多日, 都有屎屙 ? 好似怪怪地, 你真係好肯定佢完全無食野 ? 你無比打佢食 ?
我隻龜最鍾意食紅虫, 豈年蝦, 山坑魚同蝦乾..., 一粒粒嘅龜糧佢地就好憎. 但我想你要肯定佢唔食野係因為d 野唔啱食, 定係佢因天氣凍, 有感冒, 所以無胃口食野, 因為有病的龜係會唔食野, 之後就抵抗力低, 若果唔理佢, 唔睇醫生, 最後只有等死.
佢地係冷血動物, 所以低溫會好易病, 一定要長期保暖, 令佢感覺天氣長期保持住25-26度, 佢先會正常食野同屙屎, 無一種生物係可以長期唔食野而生存到, 除非之前食了很多以作冬眠之用, 但太細的龜我唔建議咁快比佢冬眠, 因身體抵抗力較大龜差, 未夠成熟. 一有病就捱唔到. 除非你帶佢去睇醫生睇得快. 遲左都係無用.
比佢曬多些太陽, 絛個陣就要長開燈比佢, 照太陽燈或射燈, 要有60-100火, 因只有這兩種燈才夠熱力比佢, 普通燈唔夠暖, 即係無用.
一日要換三次水, 成日浸住屎尿, 會眼發炎. 一唔開眼又係食唔到野, 一唔食野又係等死.

1)正常!!
2)I dont know~Sorry~