荔枝角收押所

1. 你要探你男朋友, 就要寫信去荔枝角俾佢, 叫佢係監頭簿將你個名列入佢個探訪名單內. 因為懲教署為保護犯人免被搔擾, 例如被人追債, 所以只有在該犯人探訪名單內的人及直系家人先可探佢. 到佢寫信話加咗你名, 你就可以去探佢.
還押犯每星期有6日可探(每星期有1日無得探). 每人每日只有一次探訪, 每次15分鐘, 最多2人一齊探, 無得分開探. 所以最好約定去, 否則該日被人探過, 第二輪去嘅就白行一趟. 律師探訪就不限日子 / 人數 / 次數 / 時間.
定咗罪的犯人嘅探期, 係每個月兩次, 每次半個鐘, 每次限最多3個人. 但犯人可經監頭簿申請每月加多兩次探訪, 即共4次. 通常都批.

2. 若佢屬還柙犯(未被判有罪). 你可入以下呢D用品俾佢 (係茘枝角收押所附近個油站可以買到):
“叻” - 大包裝M & M 朱古力 (花生[黃色包裝]或純朱古力[啡色包裝]) - 每星期各一包
“四大” - 華園齐燒鵝, 牛肉粒. 豬肉片, 同魷魚絲 - 每星期各一包

“拖水” - "祝君早安"面巾 - 每月x 2

直身全透明Oral B牙刷 - 每月x 1

"醒神" - 大枝裝黑人牙膏 - 每月x 1 ;

“滑石” - "力士" 番皂 - 每月x 1 ;

“ 滑石盒” - 透明軟膠塑膠番皂盒 x 1 ;

透明文件袋(有塑膠拉練, A4 size) x 1 ;

A4 OXFORD信紙簿 : 每月x 2 ;

“ 漿水” - 花王 "飄逸" 綠色洗頭水 - 每月x 1
班馬牌 Janmee原子筆 - 每月x 2
Gambol單行簿 - 每月 x 2

希爾頓 Hilton 軟包金裝標準煙 - 每2星期10 包 ;

"Tempo" 一條過長方型紙巾(唔好拆開) - 每月x 10 包
每星期6本書 / 雜誌,

*每個犯人每星期(無論幾多人探)只可收6包煙. 多咗由署方儲起.
如果佢已被判刑, 咁就屬定罪犯. 唔可以再入以上d嘢俾佢. 只可以每個月可入大tempo紙巾 10包裝1條; 祝君早安毛巾2條; 6本雜誌, A4纸一本, 斑馬牌藍色原子筆2支. 亦可在犯人申請後入錢俾佢經福利官買收音機同電鬚刨, 有呢兩樣就每月可入黑貓AAA / AA電8粒. 監獄出面d士多仔有齊可入俾佢嘅野賣.

其他注意事項:
監獄內寄俾犯人既信件, 全部都會被懲教署職員拆開檢查. 在確定封信無違禁物後, 個信封會被職員收起, 唔會俾個犯人. 只係會俾封信佢. 原因係怕有人將毒品收藏在個郵票同信封之間. 如果個犯人想要番個信封, 就要提出合理理由, 例如: 想要番個回郵地址, 向獄方申請攞番. 就算申請成功, 個郵票都會被撕走.
寄信俾犯人要注意以下要點:
(1) 一定要在信封面及每一頁信寫上犯人的編號. 監獄咁多人, 同名同姓嘅人大把. 所以唔寫名都唔緊要, 但唔寫編號嘅信個犯人係收唔到嘅. 而且因為無左個信封, 所以要在每一頁信寫上犯人的編號, 以防撈亂左可以揾得番.
(2) 唔係一定要白色信封 / 信紙. 但信封 / 信紙上千祈唔好貼上任何貼紙. 否則封信會一個個窿, 因為d貼紙會全部被剪去(理由同上).
(3) 信封内除左信紙唔可以附有任何物件, 例如: 錢, 郵票, 回郵信封, 食物, 書簽, 咭片等等. 否則個犯人會被叫去收押室(俗稱: "指模房"), 職員會在佢面前將封信存入佢份私人物件(俗稱: "包頭")內, 到佢出獄先交還佢.

2008-12-14 02:07:46 補充：
探人唔使預約嘅!

荔枝角邊使入名牙，米聽佢講，總之妳男主角今日入荔枝角，就明天上午可以去探，但可能妳未知佢現在的reminder Number（未定罪之看管戶員号碼）但妳男友有否坐過監的，有就理應有個終身編號！如果無咁妳要有佢身份証号碼同全名或案件編號，係荔枝角福利官嘅辦公時間：「2176 7360 / 2176 7361 / 2959 6273 （更生事務組（輔導））
服務時間由星期一至五（公眾假期除外）上午八時三十分至下午四時三十分
2176 0100 （一般查詢）
服務時間每日由上午八時三十分至下午四時三十分」
即係上面之更新事務組電話，比身份証名或案件号佢查定佢而家個号碼，到時去到探訪室登記時就不用搵号碼，同探訪室的職員可以唔幫妳查架，因為佢玩野講句話私隱條例真係吹佢唔脹架。

　摷都不特止，而且購買之物品一定要經懲教署批准，不符規定之物品，一概不准進入各院所。

1. 你可以去探佢，你可以致電懲教署荔枝角收押所預約探訪時間
(電話：2741 8565，2176 0100，2176 0107)，但如果佢唔想你探就無法。

2. 你可以買啲日用品(例如：洗髮水、沖涼液,和洗臉毛巾〕…等等。買佢鍾意食嘅食物都得，但要預咗比懲教署職員摷啦﹗

1/. 你可以去探佢。
2/. 荔枝角收押所附近有一間油站, 這裡有齊探訪可買的指定東西. 如牙刷, 牙膏, 洗頭水, 毛巾, 煙仔, 零食等.