刑事訴訟程序

高院的刑事訴訟程序
1. 案件由裁判法院轉介到高院後, 會先排期做聆訊前審核("Pre-Trial Review"), 目的係俾控辯雙方就有爭議嘅事項向法官提出 / 申請 / 接受指示. 解決哂所有問題後就會正式排期聆訊.
2. 案件開審當日, 會先選陪審團. 雙方律師各有5次反對某人做陪審員嘅權利 (叫做 "Challenge"). 當選出7名或9名陪審員, 就可以正式開審.
3. 法庭書記會先宣讀被告涉嫌犯嘅罪行及觸犯嘅條例 ("Charge Sheet"). 再由控方大律師向陪審團簡單陳述控方論點. 然後控方傳召控方証人 (PW - Prosecution Witness). 証人宣誓後控方開始盤問. 其間會將証物呈堂.


4. 控方盤問証人完畢後就到辯方盤問証人.


5. 辯方盤問完畢後, 控方可就証人所講嘅再提出覆問.


6. 雙方盤問完畢後, 証人走得.


7. 控方跟住傳召第二名控方証人.


8. 重覆(4) - (6).


9. 到控方盤問完所有証人後, 就到辯方傳召辯方証人 (DW - Defence Witness). 辯方証人可以係被告本人. 辯方亦有權唔傳召任何証人. 証人宣誓後辯方開始盤問.


10. 辯方盤問証人完畢後就到控方盤問証人.


11. 控方盤問完畢後, 辯方可就証人所講嘅再提出覆問.


12. 雙方盤問完畢後, 証人走得. 到此, "舉証" 階段完成.


13. 控方跟住向陪審團作結案陳詞. 然後到辯方作結案陳詞.


14. 跟住法官向陪審團作案情總結及法律指引 (Sum Up & Directions).


15. 陪審團退庭商議 ("Deliberation"). 法官休庭.


16. 陪審團有結果就通知法官開庭.


17. 法庭書記按既定程序向首席陪審員取得結果.


18. 有罪就由法官正式宣佈有罪. 並由法官判刑.


19. 無罪就由法官正式宣佈無罪, 並下令釋放.

區域法院的刑事訴訟程序

1. 案件由裁判法院轉介到區院後, 會先排期做聆訊前審核("Pre-Trial Review"), 目的係俾控辯雙方就有爭議嘅事項向法官提出 / 申請 / 接受指示. 解決哂所有問題後就會正式排期聆訊.

2. 案件開審當日, 會先由法庭書記會先宣讀被告涉嫌犯嘅罪行及觸犯嘅條例 ("Charge Sheet"). 再由控方大律師向陪審團簡單陳述控方論點. 然後控方傳召控方証人 (PW - Prosecution Witness). 証人宣誓後控方開始盤問. 其間會將証物呈堂.

3. 控方盤問証人完畢後就到辯方盤問証人.

4. 辯方盤問完畢後, 控方可就証人所講嘅再提出覆問.

5. 雙方盤問完畢後, 証人走得.

6. 控方跟住傳召第二名控方証人.

7. 重覆(3) - (5).

8. 到控方盤問完所有証人後, 就到辯方傳召辯方証人 (DW - Defence Witness). 辯方証人可以係被告本人. 辯方亦有權唔傳召任何証人. 証人宣誓後辯方開始盤問.

9. 辯方盤問証人完畢後就到控方盤問証人.

10. 控方盤問完畢後, 辯方可就証人所講嘅再提出覆問.

11. 雙方盤問完畢後, 証人走得. 到此, "舉証" 階段完成.

12. 控方跟住向法官作結案陳詞. 然後到辯方作結案陳詞.

13. 法官退庭考慮案件 (有可能另訂日子開庭).

14. 法官有結果就通知控辨雙方開庭.

15. 法官正式宣佈被告有無罪. 有罪由法官判刑, 無罪就由法官正式宣佈無罪, 並下令釋放.

主要分別係區院無咗陪審團, 所有有關陪審團嘅步驟都cut咗.


2008-12-13 22:49:37 補充：
字數超標. 給我你email. e 英文版俾你.

thank you....唔知有無中英文看...thank you..