愈來愈多人長期失業會對社會構成什麼衝擊?為什麼政府製造貧富懸殊?

愈來愈多人長期失業會對社會構成什麼衝擊?
愈來愈多人長期失業意味著愈來愈多人被社會遺棄,
他們想到社會沒自己的一份兒,這個社會不屬於他們,
甚至認為社會欠他們太多太多,
連一些少既機會社會都唔能夠給他們,
還要倒轉指責他們是社會的害虫,
因此他們的怨氣愈來愈重,甚至想推翻現社會的政權,
重新建立一個屬於自己的理想社會.
為什麼政府製造貧富懸殊?
因為人的天性,是只能同患難,不能共富貴,
大家都有錢,就不能見得自己富貴,
只有製造貧富懸殊,令你貧窮,才能顯得自己富貴,
加上香港是資本主義社會,物質金錢掛帥,
政府又有特權,可以用人唯親,乜都要講關係,
其他人要得到一件小東西,就要講條件,講資格,
最好多發牌照,有錢人有牌,貧窮人冇牌,還有牌費收!
有牌可以做咩做咩,冇牌就咩都不能做,
那個香港就最容易管治!!!
圖片參考：http://tw.yimg.com/i/tw/ugc/rte/smiley_16.gif

這個政府簡直以到了每況愈下而逐步沉淪下去的景況！受害者當然就是首當其衝的中低下階層的苦市民。
這個政府不單沒長遠計劃去賺取外來資金，地產金融旅遊電訊就是香港四大經濟支柱，嘩！簡直如同四人同檯打麻將，塘水滾塘魚，滾來滾去都是那份錢，前年曾特首曾說過當年經濟好過二十年前，我披！大財團佔據整個香港，他們真的是好過二十年前，窮人張大口卻啞口無言，賣地有錢時祇懂派糖逗逗你，有無諗過好似外國咁成立科研部門？有無諗過撥地興建廉價工廠？人地英國管治香港時都懂得興建廉價屋照顧低收入市民啦！睇下仲有幾多地賣，睇下仲有幾多人買樓？你估香港地產不死神話會有好多次牙！旅遊？來過香港旅遊的大陸人都呻笨！去澳門好過，人家澳門首長識得利用地利，知道大陸人鐘意賭錢，看準時機，加建賭場酒店，所以澳門人就算無發大財都不怕餓親個肚，不怕無屋住！
以前香港各種工廠林立，祇要有雙手，理你係殘廢、理你係 80 歲公公婆婆都可以有工做，而現在這個政府不知所謂，攪什麼個人增值，旨在誤導讀書不多的勞苦大眾，每個月比一千幾百津貼你當係封口，簡直除褲放屁，倒頭來職位還沒有多過，打崩頭爭飯碗，有增值有飯食，無增值等扑直！
如果我沒有估計錯誤，這個沒有自行增值、沒有進取、沒有長遠計劃的政府，架構於這個完全沒有天然資源的小島，相信十年之內，香港這個資本社會的普羅大眾比當年行純社會主義的大陸人民更加難過日子，最起碼他們都有田可耕。
再惡劣點？人浮於事，社會民憤愈來愈強烈，浮生六劫，當年的擲土製菠蘿、燒車、你話有無可能歷史重演？

2008-12-17 22:51:24 補充：
點解政府製造貪富懸殊？因為高官門沒有捱過貧窮的日子，收入豐厚，政府又比豪宅佢地住，以打好呢份工的理念從政，好驚無左份工，大財團又幫到政府賺大錢，唔通政府要巴結你地班窮鬼牙？除非群起發窮惡罷工啦，佢地咪驚驚地，怕惹公憤無左份工，咪低低地順應下你地班窮鬼要求，當係買你地班窮鬼怕囉！

1. 長期失業代表失業人口不能按照市場需求調整薪金，又或者學非所用。
2. 政府太多口號，又成立啲乜基金，乜委員會，不過都係自己友有好處，對市民幫助幾乎零。
3. 由於官商勾結，事後回報，所以有政策傾斜。有政策傾斜又點會無貧富懸殊？
希望幫到你！

因為政府只顧有錢人,窮ge又吾多理,d物價又貴,咪就係d供應商係咁加價囉,d老闆又吾多加人工