我隻倉鼠吾食瓜子..有冇問題?

唔同意樓上網友handsome5354 既講法,希望網友唔好介意及可以留意一下:人唔食野可以頂到一段時間,就係因為人有身體既脂肪去消耗,而咁細隻既倉鼠,根本唔會有好多肉俾佢消耗體力,所以完全唔食野既情況下,就算只係1日冇食野,都已經有可能有血糖過低既情況,甚至有實驗指出,鼠鼠唔食野半日,已經會因為咁而死
當然,隻隻鼠既體質唔同,好難話唔食野幾耐就會死,但就千萬唔好特地餓鼠鼠幾日,咁係好危險既

A.鼠鼠偏食好正常,但當然盡量令鼠鼠唔好偏食,不過糧入面只係唔食一種食物都唔算嚴重,有d鼠只係食晒瓜子仲難攪,只要鼠鼠唔係唔食野,活動正常,就唔洗擔心
鼠鼠偏食可以試下等鼠鼠接近食晒D糧先再添加,如果成日有得揀只係食某d食物,鼠鼠就好易食晒鍾意食既再等你加,加完先再食

B.而蘋果唔建議俾鼠鼠食,想鼠鼠有纖維,可以買乾草or草磚俾鼠鼠食,食水果易出現肚瀉既問題
俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等,好多時呢D影響都唔係咁易見到,但一被發現就多數已經好嚴重,而蔬果or人食既野,建議都唔好俾鼠鼠食,原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既

C.一般正常情況下,並唔建議俾鼠糧糧同草以外既野俾鼠鼠食,除左以下呢幾個情況:
1)萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
2)若鼠鼠瘦弱生病,就可以食白麵包or麥片去補充營養
3)如果冇晒糧又未買得切,就可以暫時以白米代替,但都要盡快買返糧
4)若鼠鼠生育後,餵奶期間可以俾奶粉沖既奶佢飲,切勿俾鮮奶,唔係好易肚瀉

D.其實鼠鼠最好分籠,如果唔同性別,繁殖鼠鼠會有好多問題,就算鼠鼠看似相處得好,但同第隻鼠一齊住都好易有問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

另近月出現做票情況,希望發問者可關注發問,並處理問題,謝謝!

你寵壞佢囉，佢簡食囉。
佢唔食瓜子你就偏俾瓜子佢，唔好俾其他，幾日都唔好俾，佢就會自動食番，餓佢唔過5日係唔會死，除非佢聰明到有人咁既智商，(自殺)死都唔食。

這樣是沒有問題的。其實有些倉鼠會偏食,只喜歡吃零食,但你不要常常給牠們零食,因為這會令牠們變肥胖!

不可以讓倉鼠吃的食物有甜巧克力等零食類、鹽分較多的仙貝餅乾,以及青蔥、洋蔥等刺激性較強的食物,太甜或太鹹的食物會造成肥胖或內臟疾病。而巧克力及餅乾等含水後會膨脹的東西,在倉鼠的頰囊
中可能會引起囊頰內側皮膚的發炎。

其實也可以給牠們吃向日葵種子、小麥、玉米等穀物類、蔬菜(高麗菜、萵苣、小黃瓜、蘋果等),以及水果等,以取代瓜子。.

青蔥、洋蔥、韭菜及蒜頭射去過多則會破壞紅血球，所以一開始就不要讓倉鼠食用。其他如小黃瓜、萵苣等植物纖維較少，水分較多的食物吃多了會造成倉鼠腹瀉。

其實咁樣唔會有問題嘅~~你放心啦~~倉鼠有時都會選野食~~我屋企個隻都係咁~~但係過一排佢又食返~不過你都做得岩架喇~~有d人只係比瓜子倉鼠食~正確係雜糧比較好的~因為有人話倉鼠食得多瓜子
會容易咬人,so你唔駛轉糧架喇~~