150號紅沙磨平舊有黑漆，再用480號水沙沾水打磨

奇人對奇人啊！你竟然為咗塊黑板另起問題送分！

可能你認為老舊的問題已不會有人再去留意，所以霸個靚位問舊嘢。你比我想像中聰明得多啊！我要對你重新估計先得。

150 號紅沙紙每張 $ 1.5 ~2元，480 號水沙紙每張 $ 2元。

盛惠5分！

見你對自己塊黑板咁有誠意，我拎多d良心出嚟！

三兩 ( 即係最細礶嗰種 ) 黑板油大約十元，2" 多功能油掃要十鬆蚊，
不過你可以買d平d既，因為用一次就要掉丟丢，但係千祈唔好買嗰種薄身﹔綠色柄﹔黑色掃毛﹔掃毛有d長有d短﹔起哂狗牙既油掃，因為油d油出嚟會核突到嘔，價錢平都冇用。

由於我唔知你塊黑板有幾大，你自己衡量，如果唔夠就買一磅，大約二十五元。

過水沙唔使沾太多水。唔會啜住﹔去得爽既就夠，木板索得太多水唔係咁好，易彎曲變形。

油既時候中間落油向頭尾撥，撥匀 d。重有一個竅門，就係將塊黑板分開幾段嚟油，每一段先油幾個角度好窄既交义，每個交义交疊，即係XXXXX咁樣交疊，記住每個X既角度要窄到幾乎摺埋，然後真正直直咁樣一行一行撥番順D紋 ( 不過要有慧根既人先至明我講乜 ) 油好咗一段先再油第二段，第一段未搞掂千祈唔好掂第二段，一路油一路諗住:百忍成金百忍成金...
第二段或者第三段或者第四段油好之後，千祈唔好手痕又走去搞吓第一段，因為第一段已經有少少擎面，一番拖就唔靚！記得不斷重複諗住:百忍成金百忍成金...

由於放平咗塊黑板，D油會自然流平。

希望你能夠享受到你嗰塊脫胎換骨既黑板！

2008-12-13 08:25:46 補充：
要用既嘢喺你屋企附近既五金鋪有得買，松節水只係用好少，如果你屋企附近有人裝修，你拎住個兜問d師傅攞少少，佢哋大多數都肯俾少少。

d油又唔好油得過份厚，磁油油得太厚乾透之後會皺皮。

我要趕住返工，今晚先再講。

2008-12-14 08:49:11 補充：
紅沙紙同水沙紙既其中一個分別，係水沙紙可以磨平硬度較高既物料表面。

你首先將一張大約12吋x10吋既紅沙紙對摺 ( 尺寸只係詁計 ) ，對摺痕應該係12吋既，沿對摺痕用界刀界開變成二張，每張再平均分三段對摺，即係將呢張U形既紙摺埋，摺埋之後應該啱手形，好好喳既。

2008-12-14 08:49:39 補充：
你而家係黑板醫生，所以你應該要載番個醫生口罩。

將沙紙放喺手掌心，用手既虎口位置夾住佢 ( 即係手指公同食指之間既位置 ) ，用手掌心嚟省黑板，即係成隻手掌貼住黑板嚟省，去到角位先用手指位嚟省。

如果省完之後塊黑板冇乜唔平就唔使再用水沙紙省，就咁抺乾淨D粉已經油得，果張水沙紙留番嚟省煲。

如果本身D黑油只係起粉而唔係一塊塊皮煎起咗既話，就盡量唔好省穿D黑油，因為有D穿有D唔穿會比較難處理。

寄然要用咁長時間咁高功力咁好忍耐力,不如再增加多D財力去買喇!!!!!!!