點解家中的財產只比男孩，男孩就有財產旁身，可能都5需要點負擔老婆添啦，點解就會比男既？女仔就咩都無，要靠男人？

點解你問得咁奇怪?
難道個個男仔都係似你老豆大把身家分唔使做咁好死咩?
其實只係你屋企係咁重男輕女唧!
同埋只係你屋企班蛀米大蟲要一世靠老豆d家產同靠男人養唧!
呢個世界不論男女都要出社會打工自食其力捱世界啦,你唔見日日早晚返工放工男男女女都要迫巴士地鐵咩,試問有幾多人係靠老豆家產唔使做呀?
你條氣唔順就應該追問你老豆,問佢點解重男輕女,點解死都唔願分d家產俾你?
其實好仔不論爺田地,好女唔論嫁妝衣,最緊要自己有本事又點會餓死,何必眼紅老豆d家產呢?

2008-12-14 16:00:49 補充：
做人唔好時時都想住依靠人養,不論男女都應該努力做野搵錢養自己呀!
其實打工或者做老板都要勞心勞力啦,點都係要有付出才有收入喎!
如果你一定要問點解老豆d家產分俾仔唔分俾你,除了佢係重男輕女之外,你還要問問你自己;
你以前有無時時都特別關心老豆呀?
有無事事都特別遷就老豆呀?
更加有無時時順佢意令老豆開心呀?
如果你都無的話,就唔好怨聲載道,怨天尤人咯!

5個看法:
1) 你父母賜男多過女
2) 定理:男人有家庭要照顧老婆子女
做女有老公賜同照顧
3)你父母覺得你的賺錢能力比他高
4) 你父母應為他在家付出比你多
5) 你父母應為他的理財能力比你好
擔心你會亂用錢,所以比他keep 住先
遲d 會比你
父母對子女是不會偏心的,都是一樣好同公平
只是做法問題