結婚好大壓力,請大家比比意見給我, 萬分感激!!!

其實最重要係你是否認定而家男朋友係你認為可以付託終生, 可以一齊行埋人生下半場果一位??? 如果係, 請你唔好輕言放棄呢段感情

我好明白結婚原本以為係兩個人嘅事, 但事實唔係, 而係兩"家"人嘅事, 但最重要係你地之間嘅愛 / 感情 / 承諾 / 委身, 金錢只係其中一個可以將你地結婚公諸於世嘅工具; 旁人(包括家人)都只不過係提供意見嘅角色, 絕對唔需要太介懷呢d意見

我建議你地可以直接, 坦白同家人分享你地嘅打算 / 諗法, 大家都係成年人, 一定明白結婚係需要錢, 而錢係要時間儲, 最重要係俾佢地知道你地唔係玩玩吓, 係有你地自己嘅planning, 就已經非常足夠

當然我覺得你要開始認真地同男友一齊實施儲錢計劃, 如果大家有心結婚, 就要落實儲蓄, 如果唔使買樓, 其實儲6-8萬已經可以結得成, 一切從簡囉 ^^

緊記要愛對方, 風吹雨打都唔好放開對方隻手, 你地一定可以幸福咁行落去

God bless you!

吾結婚都冇需要去分手
只要感情是很好的,結不結婚都冇所謂
難到你一世都吾拍拖?
可以選擇同居或其他方式
結婚只是其中一個選擇
吾結婚一樣可以長久
完全吾需要理人的說話
自己的路是自己去行的
能夠找到真愛同愛你的人
是很幸福的,要珍惜

其實結婚lee樣野好個人, 經濟是否問題係睇你地自己架者....如果你地要去外地影婚妙相, 係酒店攞幾十圍, 俾幾十萬禮金咁就好大問題啦.... 其實如果你地旅行結婚, 花費都係好少... e.g. 禮金3-4萬+ 旅費可以唔駛5萬已經得啦....

更何況大壓力既應該係你男朋友而唔係你囉....係中國社會, 通常結婚都係男性做主導(<--思想比較舊), 俾禮金個d通常都係男性出...下次如果佢d親人再問, 你可以答: 不如你問下佢(<--你男朋友)丫??? 睇下你男朋友有幾有急才丫ma.....

其實拍拖幾耐先結婚並唔係問題, 好似我同我男友咁,拍拖5年幾, 佢又係獨子+ 佢父母2家最大既, 佢既表兄弟姊妹(除左未成年個d) 都結晒婚生埋仔, 唯獨佢無, 佢既親人都成日問我地架...但我次次都唔答交俾我男友答, 除左因本人無急才之間, 我男朋友都同我講過, 唔駛理佢地, 總之我覺得幾時係結婚既時候咪結婚囉 (我地都無$$大攪, 都係諗住旅行結婚), 唔好因為長輩既壓力而結婚, 免得日後我後悔啊~