重點測光重唔重要嫁???

一般功能齊的相機測光會有平均測光,中央偏重測光同埋點測光.三種測光的分別在於測光考慮的範圍.
平均測光是以整幅畫面考慮,適用於整個畫面亮度差不多的畫面,或者想表達整個畫面的構圖,例如影風景等.畫面中可能有一啲細面積比較暗或者比較光既部份就由得佢變暗或者爆光.(當然面積大的話會影響測光結果).
中央偏重測光就係將測光的面積收細,大約考慮畫面中央七成左右面積(部部機唔同),其餘地方不考慮,適合主體佔畫面大部份的題材,例如人像半身照等,咁樣即使邊位有啲好暗或者好光既物件都唔影響中央的測光結果.
至於點測光顧名思義就係只測一點,不過實際上點係冇限細,唔可能測到光的,一般個點有一定大小,可能大約畫面2%左右.(又係部部機唔同).適用於主體只佔畫面很小部份的題材,例如一個細小的背光人像.用其餘兩種測光方法都會令主體的人曝光不足.用點測光測個人的話個人光度就會正常,但由於其他部份實際是光過個人好多的,所以就會因曝光過度而白晒.用唔用視乎要個人清楚定係整幅畫面曝光正常重要.
另一個比較有用的用處反而係主體比較光的情況,例如影演唱會個歌星有射燈射住,用其他兩種測光個歌星好易就曝光過度白晒.用點測光就可以保持歌星曝光正常.雖然背景會變黑但都冇乜所謂了.
你咁問可能見Canon有啲入門機冇點測光.其實即使冇點測光,一樣可以靠經驗用其他兩種測光方法配合曝光補償而獲得正確曝光的.如果現場光線唔係好變幻莫測,數碼影完唔啱可以再影,其實都唔一定話冇咗點測光就唔得既,只係有就方便啲.但如果光暗變化好大就有點測光好啲,因為未必來得切調整曝光補償.

2008-12-16 20:27:45 補充：
其實你答問題既目的係乜?
除咗你其他人都淨係識用auto?你真係覺得全世界淨係你先識影相?

重唔重要睇你有幾識影相, 同你影o的乜.

好似日常風景相, 平時旅行相,
遇到光線唔平均既機會實在好少,
平均測光已足夠交貨.

重點測光用於特別光暗環境,好似:
玩閃燈打光,
故意改變光位位置, (夾硬要主體唔夠光)
又或者有強光光源係構圖中 (燈飾等最為常見, 年近聖誕勒~~)
咁平均測光就可能將主體既光暗同背景既光暗拉左個平均,
做主體過光/暗, 咁重點測光呢個時候就好有用.

明白用法, 都要有意識咁去用,
好多人講就天下無敵, 用就淨識 Auto,
對呢O的人..... 講多句都嫌費事.
如果對於一O的真係有心去揀MODE影相既人,
咁重點測光真係幾好用架

Thanks for your information !!!!!!!!