✔ 最佳答案
影夜景要影得好就要用腳架.
夜晚由於光線暗,曝光時間會變長.手持拍攝的話由於手震關係相就會矇.
用腳架固定相機就可以長時間曝光都冇問題,但按快門一下動作仍有機會郁到相機,想絶對穏定要用相機的兩秒延遲自拍.
由於有腳架不怕曝光時間長,iso要盡可能低去避免引起雜訊,T70有iso 80,就用iso 80吧.不過留意T70最長曝光時間只有一秒,有啲太暗既環境用iso 80係會唔夠光的,咁就唯有用高小小例如iso 200.
用auto的話其實都冇問題,但iso一定唔好用auto,否則相機會以為你冇腳架而幫你推到好高,就會好多雜訊.場景模式的話可以用風景,要影埋人的話就用曙光人像模式,咁相機就識得長時間曝光之餘用埋閃光燈照光個人.
最後你可能睇到要用腳架已經唔想睇,如果唔怕啲相多雜訊,但求影到,你可以試下設定做iso 1600, iso 3200最好咪用,用最廣角焦距(即係唔好zoom遠),搵啲嘢借下力就咁手持影,盡量握穏部相機,記得用埋兩秒延遲,相一定會好多雜訊,但矇的機會較小.
2008-12-10 09:59:54 補充：
仲有如果影夜景人像記得叫個人就算閃燈閃完都要等一陣先好郁.
2008-12-11 21:43:20 補充：
好呀,你send幅相去我e-mail啦,address已經電郵咗俾你.
2008-12-12 11:18:08 補充：
由於你兩張相經軟件做過縮圖,我睇唔到啲拍攝資料,不過由相片既雜訊來看,你應該已經用咗高iso去影.看來沒有明顯手震,但係就對錯焦.卡片機對焦能力係會比較差的,尤其環境暗會成日對唔到或者對錯焦.一係想辦法加光源幫助,咁會準啲不過就真係要好光先得,一係就靠估距離,如果主體唔係十分近的話此方法通常可行.T70可以選擇0.5m, 1m, 3m, 7m或者無限遠.你試下用呢個方法影應該張相就唔會點矇.如果有說明書的話可以睇第24頁.
