第1次去飲,乜都唔識

既然冇做兄弟,人情當然晚上到場先比
同平一樣,冇分別

當然7:30到,人地8:00入席是尊重
你可以準備結婚禮物
注意:自己的言行,不要飲太多酒要人照顧你
你只要自然同enjoy就得

要睇下你去邊d地方飲. 如果只係酒樓/酒家形式,男仔一般都著得好casual,都著有圖案恤衫襯斜褲,著對Lower鞋/短皮boot(波鞋形個d),重有d會著Tee同牛仔褲,波鞋. 如果天氣凍,著番普通褸就ok.

如果係去酒店飲,最好就著淨色恤衫襯西褲,打太,皮鞋,最好加ma條皮帶. 如果天氣凍,你最好著件西裝褸一set.


個日如果又無你d朋友在場,你又唔打Majong,而且你又唔想social,你可以7:30-8:00pm去到,你應該可以影ma幅相,之後waiter就汁野,係8:15-8:30pm你就應該已經就坐.

如果你同你個friend好熟,一般至少都比$800,再熟d就繼續加上(視乎個人決定). 如果唔太熟,一般人去飲依家都係比$500. 如果第時你係合府統請,唔熟都要比多d,無理由一家去都係$500. 如果一家2,3口一般比$1,000 or $1,500 (視乎個人決定).<---不過呢點都係要視乎個人經濟,都試過聽人講比$300或$400,相信無人會怪你 (不過一般坊間係比$500)


另外,食相就當然唔好甘禽青(如果酒店就有得分ma野食).


如果你想早d走,又或住得遠想早走D(通常食到甜品個part),你可以係呢一節走. 唔怪gar,因為個個擺走都預左人地甘樣,所以個個擺酒係甜品個part,一對新人同屋企人其實就已經企左係門口,預備送客. 所以你唔使怕唔好意思,因為你係個段時間走,都可以有機會同到佢地say bye.

希望可以幫到你la :)

去飲當然係準備好你嘅「人情」啦！正所謂「人情緊過債」鴉嗎！其實係開席前到已經可以了。至於有咩注意就係禮儀啦，尤其係用餐嗰陣時，其實你只要保持自然就冇問題啦，但你見到自己喜歡嘅食物切忌好似「前世未食過咁」，更唔好俾人見到你個核突食相，以免貽笑大方。穿著唔好太過寒酸，但又唔好標奇立異喎！