怎樣蒸排骨及炆排骨滑D

以蒸排骨黎講，平時酒樓既做法係要泵水先，意思係開住個水喉沖排骨成個鐘

不過自己o係屋企唔會咁做，所以你可以首先將排骨用水浸佢一個鐘(同酒樓做法理由一樣，因為滲透作用既原理，佢吸收左水份之後會好飽滿同爽滑(亦會沖開血水)，但一定要D時間)

浸完之後開始醃，但要留意醃果時落多少少酒同生粉，咁樣會keep到佢肉質滑D，到你蒸果時一定要多D水、等D水好滾先落排骨，因為蒸氣越大、蒸既時間越短，咁先可以將排骨既肉汁鎖住

其實好簡單，不過要花多少少時間，同埋你買果時要揀d帶有少少肥肉既排骨，唔好因為怕肥左揀淨友既，咁樣排骨唔會滑


至於炆排骨方面，同樣啦，你要買d帶少少肥肉既，返到屋企唔需要醃住，洗乾淨，煲一煲滾水將排骨飛左水先，令到佢d血水走出黎

然後炆之前要煎一煎既，因為封住肉既表面，將肉汁鎖住，不過唔需要煎得太乾，少少金黃色就可以喇，如果唔係你太乾反而會好鞋口

煎完之後你落清水蓋住d排骨，落調味料，先用中火煮佢半個鍾，然後熄火局佢半個鍾(記得成個過程唔好揭起鑊蓋)，然後再開中火煮多佢一、兩個字，佢就會又林又滑架喇，反而你用猛火係咁煮佢唔會咁快林同軟滑

希望幫到你啦

主要的技巧是醃肉:
煑之前要先醃, 醃到入味再用生粉、油包住排骨 , 令排骨滑及蒸的時候肉汁不會走出來 。

酸梅蒸排骨
材料：
肉排約 10 兩
酸梅 2 粒
紅辣椒 1 隻
蒜頭 2 粒（切茸）
調味：
磨豉醬 1 湯匙　糖 1.5 茶匙　生粉 1 茶匙　生抽 1 茶匙　麻油少許
製法：

排骨洗淨滴乾水份。
酸梅去核壓爛，紅辣椒去籽切碎。
排骨加上所有材料及調味料攪勻，醃半小時。
隔水蒸 10-15 分鐘即成。



柱侯蓮藕炆排骨
材料：
排骨約 1 斤
蓮藕 2 節
薑數片
蒜頭 2 粒（切片）
調味：
柱侯醬 2 湯匙　片糖 1/4 磚　水約 2 杯
製法：

蓮藕去皮切件。
排骨洗淨滴乾水份。
熱鑊加 1 湯匙油，爆香薑及蒜片，加排骨炒至轉色，加 2 湯匙紹酒，蓋上鑊蓋焗一焗，放蓮藕炒勻，加調味中火炆約 30 分鐘至汁收即成。

請問是在室溫的情況下泡嗎?會不會變味?