感情大問題啊,,我想要詳細的答覆

我想,
佢當然喜歡佢女朋友至會一齊,
而你係佢女朋友既朋友, 又係佢朋友,
我想佢都好希望你會替佢地拍拖而高興,
你問佢會唔會唸佢女朋友就係你終身,
我覺得佢當然有咁祈望,
但終身係一件好長遠既事,
而且係兩個人共同行既一條路,
中間有咩變化好難預計,
所以佢答你佢希望係啦,,佢不想唔係啦!
咁即係代表佢愛佢女朋友, 只係唔知佢女朋友係咪同佢睇法相同!

(而你所講你話你唔知佢同女朋友關係會否維持到結婚,
而你都唔知你同佢將來關係係咩
你只知道你要努力改變自己,,學習,去增值自己
而你真係好希望可以做返朋友,,什至愛啦)
我想...佢睇到你咁講話你想得通, 係因為睇到你話好希望同佢做番朋友, 但佢忽略左什至愛這幾個字, 你唔係一心想同佢做朋友咁簡單, 你想等有機會愛!! 但佢忽略左反而好, 如果你好清楚比佢知道你愛住等, 希望佢地未必長久, 我想..佢會避你避到老連咁遠!
而我身為外人, 我都希望你可以慢慢接受佢地, 放底愛佢既心情, 佢地只係岩岩開始, 黎緊你仍然愛佢, 對你自己傷害會更大, and then..愛一個人係想佢永遠開心幸福, 佢覺得同佢而家女朋友幸福, 你應該希望佢地長久, 但反而你同佢講唔知佢同女朋友關係會否維持到結婚, 實在有點不智, 還好佢係一個明理唔計較既人, 如果計較既, 可能會應你..係咁講咩意思?! 因為比你愛既人感覺到你帶住愛同佢做朋友..等佢..甚至希望佢地唔長久而自己有機會補上, 對被愛既人黎講係一種壓力, 如果你做得太出面既話會係煩厭! 因為佢愛既你佢女朋友, 而唔係你, 佢顧及你感受又怕你誤會, 唔顧你感受又太絕情!
愛..放唔底應該擺係心中, 唔應該困擾到佢! 愛係無私, 唔係自私!

其實,只要佢係LOVE你,佢一定會用某種方法同你表白!

由於我唔係你朋友,所以很難完全幫你分析,不過都想說下自己的看法!

我相信你都好清楚,緣份很難講的,可以走在一起,就可以走在一起,不可以走在一起,就不能走在一起!你與他以後的關係如何,即你能不能夠做他的女朋友,就要看下個天點樣安排!所以,你一定有機會做他的女朋友,只是機會大定是小的!

他與你的朋友發展左,已經成為事實,我想你在短期內都不好希望他能夠有幸與你發展!仲有,如果佢真的咁快散左的話,你都好應該考慮清楚才與他發展,因為一個人咁快與女朋友玩完,是不是一個好男仔,是值得深思考慮的!

正所謂天涯何處無芳草,在他未對他的女朋友沒死心之前,我想你都好應該結交更多的朋友,用以選擇一個更合適的男仔!其實,你都唔使咁擔心,可以一起就一起,不可以一起就不能一起,一切隨緣吧!何必又要想得那麼多呢!

妳唔係白痴,只係有D傻.個男仔好唔識得處理感情問題,更加唔考慮妳既感受.不過算啦,普通男仔一個又點會理呢D野.而妳講話咩對佢仲有期望,仲諗住唔知佢地會唔會結婚,令我覺得妳好唔識諗,因為呢種男仔跟本就唔會理呢D問題,就好似佢唔彩妳等妳難受咁,真係十分十分幼稚既處事方法.但係妳真係唔好再咁傻落去,就算將來佢真係對妳有意思,但係事變境遷,妳依家既迷戀亦都同樣會變成過去.其實愛情就係咁,所以妳應該實際D,咩應該付出咩唔應該付出要分得清楚D.淡忘呢段唔好既經歷啦,妳應該尋找真正屬於妳既愛情.