點解在影相擺哺士時總喜歡棟起兩隻手指做出 V字

未答你問題之前, 我想你了解點為之 V 勝利手勢. 勢利手勢始源於第二次世界大戰時嘅美國丘吉爾總統, 正確手勢係將第二同第三隻手指做成 V 形狀, 但最重要係要張大姆指同第四隻手指連尾指揸埋一齊, 由前面埋埋去; 好似見到"品"字形咁, 同時掌心向外. 詳情請睇以下網頁.
http://www.icons.org.uk/theicons/collection/the-v-sign
http://www.associatedcontent.com/article/294546/the_origins_of_the_v_for_victory_sign.html?cat=37

至於時下人點解做出 "疑似勝利手勢" 就有以下解釋. (時下所做嘅唔係勝利手勢, 因為做勢嘅人除咗舉起第二同第三隻手指之外, 大姆指放嘅位置完全唔同, 請睇以下解釋)

1. 舉起二三指成 V 形狀, 但大姆指按响第四指之上, 呢個手勢未有廣泛認可, 講真都唔知做乜, 只可用 "疑似勝利手勢" 嚟解釋舉手指嘅人係有企途或意途做出 "勝利" 或 "和平" 嘅手勢, 可能連舉手指嘅人都唔知自己想做乜.

2. 舉起二三指成 V 形狀, 但大姆指放响二三指中間; V 字個尖下面, 掌心向外, 呢種情形就係舉手指嘅人在你唔為意之間做出不文動作, 向你作出行為上面嘅侵犯, 意思係 f!ck you = @你. 但你又懵然不知.

3. 舉起二三指成 V 形狀, 大姆指放响二三指中間; V 字個尖下面, 掌心向 "內", 呢種好明顯係挑釁嘅行動, 意思亦係解 fu!k you = @你.

4. 舉手人以女性居多, 舉起二三指成 V 形狀, 但大姆指隱藏而掌心向 "內", 呢種手勢向你展視佢戴响第二或第三隻手指上嘅飾物, 多數係名貴介子, 佢地希望用一個 "疑似勝利手勢" 希望同你分享佢內心嘅喜悅或滿足.

5. 舉手人有男或女性, 佢地舉起二三指成 V 形狀, 做成一個 ""疑似勝利手勢" , 掌心向外, 從前面睇嚟好似係想表達勝利或和平嘅意思, 但從側面睇, 你會發覺手指係向前傾斜, 角度大約 45-55 度中間, 意思係想話 "丫住你個X街" (丫音差), 係一種唔大友善嘅態度.

至於你所講嗰位知名人仕擺出 "疑似勝利手勢"; 因為未有詳細圖片進行分析, 因為要正確要見到大姆指準確位置, 亦要知道手指傾斜度, 現階段未有足夠資料, 所以未能進行鑑証. 照計生日同勝利根本上係狗唔搭8, 冇乜需要做呢個手勢, 可能係想話比人聽要"和平", 但係响生日上面叫人和平; 除咗英女皇或教宗可能會講之外, 應該普通人唔會有咁大口氣. 照計呢位人仕唔會咁不智响傳謀面前話 fu!k you, 或者 "丫你個X街", 咁真係唔知佢點解會咁做, 至於佢點解有呢種行為, 我相信要知識 心理學嗰面嘅高手可能有答案.

2008-12-09 12:06:00 補充：
丘吉爾應該係英國首相, 唔係美國總統, 佢話美國唔啱佢玩所以冇移民過去.