想買相機, canon 870is 定係casio ex-z300好?

呢三部機都係細細部,都有防震,個mon又係三吋,23萬像素,清晰度一樣.
我覺得不如從拍攝功能方面去考慮下.
我個人覺得Z300麻麻,雖然佢都夠廣角,光圈都唔細,又可以影1280 x 720高清影片,但係佢有兩項比較明顯缺點,首先最長曝光時間只有1/2s,即係冇預你用腳架影夜景.用最低iso曝光時間唔夠長的話就要被迫用較高iso而增加雜訊.另外佢微距認真麻麻,最近對焦距離有成10cm,細物件冇辦法影得夠大.
FX 520最大賣點就係超廣角25mm,其他優點仲有1280 x720高清影片,支援晒光圈先決,快門先決同全手動曝光,啱晒玩一啲特別效果.不過弱點又係微距,最近對焦距離雖然比較短去到5cm,但係因為佢係25mm超廣角,變咗放大率又細翻.
870 IS其實各方面都幾平均,雖然冇FX 520既25mm超廣角,不過其實28mm都已經好好.微距又有2cm最近對焦距離,不過就只有全自動曝光同640 x 480標清短片.
我會建議如果微距唔重要的話就揀FX 520,短片同手動曝光唔重要的話就揀870 IS啦.

以下網頁有相機規格
http://dcfever.com/cameras/database.php