Panasonic 的DC好多都有iA智能模式,請問”iA智能模式”系乜?

即係超級傻瓜模式.
第一代所謂傻瓜機只有全自動模式.夠光就求其搵個中中地既光圈快門,唔夠光就開盡光圈,開埋閃光燈就算數.但係咁搞有時有啲環境都係唔掂的,就好似影夜景咁就個個都影到黑麻麻,影人跑緊又影到矇晒.
於是後來又加入所謂場景模式,即係其實要你講多啲俾相機聽你究竟想影乜.例如夜景模式,相機就唔會用閃光燈,用翻長時間曝光去影.例如運動模式,相機就識得用比較快既快門速度去涷結動作.仲越搞越多,甚至煙花,雪景模式都有.
但係消費者既要求係冇盡頭既,你要我決定咁多嘢咪好煩,揀咗錯點算.於是又翻翻轉頭要全自動.就即係AI人工智能模式,係比較聰明既全自動模式,相機幫你揀埋場景模式.見你有人就當你影人,人面對焦,開大光圈.見啲嘢郁緊就開運動模式.加快快門,提升iso等等.
不過全自動同揀錯好多時掛勾,人諗嘢其實好複雜,例如曝布模式要收光圈減慢快門影到啲水好似布咁,但係又想加個人埋去做紀念,咁AI一見到個人就會當咗你影人,你要既效果就冇咗喇.

2008-12-08 17:25:02 補充：
IA智能模式確是很方便,但小心佢同普通全自動都有一個缺點.就係好容易就會用高iso.因為可以加快快門,好有效防止手震或者目標物郁咗而引起模糊,但係副作用就係會增加雜訊.所以好多時見到DC在低光時影既相都好花就係咁原因.

「iA智能模式」即你不用自己選擇「場景」,相機會根據你影的對象和環境作出判斷,選擇合適的場景.
個人用後感是PANASONIC的iA做得不錯,幾準,幾實用,值得推介!

2008-12-08 12:49:23 補充：
當然如果你是攝影高手,又完全摸熟部機,用手動就一定更有藝術性和個人化啦 ... 不過一般情況,iA就方便實用囉 ...