華溢fitting model騙局!!

舊瓶舊酒，呢 d 咁橋段，用左成 10 幾年，都仲有人信，港女真易呃！只要平時多 留意報紙港聞版，睇警訊，都經常有呢類騙案新聞，唔好一聽到話做 modle ，就忘晒形呀！

我都遇到你講既問題，其實都係上個星期一既事，同一地點同一間公司，仲俾埋卡片我添，嗰個女人叫wendy，我比你好彩就係我冇跟佢上去囖，佢真係講到似層層咁架，又話幾錢一個鐘，有平有貴，差啲上當受騙。

2008-12-22 02:44:00 補充：
你有冇同佢哋簽過啲咩文件之類既野呀，係咪俾佢哋呃咗好多錢呀？我覺得你最好同屋企人商量一下，體下有咩解決辦法，之後再上去問佢哋攞返錢囖，唔好怕俾屋企人知而唔去面對，我估你應該仲好細個，佢哋就係體啱你呢一點先落手，因為佢哋知道你一定唔敢同屋企人講，所以你依家要做既第一件事就係話俾屋企人聽，等佢哋幫你想辦法，就算俾人鬧你都要講，屋企人一定會支持同埋體諒你架，咩人都係撞過板先識學精，咪當上咗寶貴既一課囖，話唔定到時你帶埋屋企人上去佢哋會俾返錢你呢，如果唔肯俾就同佢哋講會報警處理囖，可能佢哋會知驚呢，如果你未成年，佢哋咁樣呃你應該都算犯法架，你估佢哋唔驚既咩。

2008-12-22 02:44:27 補充：
其實佢哋個日都係見我年紀望落去好細個先會搵我，跟住我話唔得閑，佢叫我留個電話俾佢，不過我冇留呀，佢就俾張卡片我，叫我有興趣就打俾佢，我就同佢講話我返屋企同先生商量下先，佢一聽到話我結咗婚，即刻窒咗一窒，仲話：乜你咁細個就結咗婚啦，真係體唔出喔，跟住我就走咗啦。
我已經係tst俾人問過三次啦，我估都係同一夥人做架，我捻一定有好多女仔俾佢哋呃過，希望你可以搵到其他受害者一齊上去討回公道啦，再唔係就報警，交俾警察處理，最好可以係報紙雜志或者警訊將佢哋公司點名報道出嚟，等佢哋以後唔可以再呃人都好呀。

2008-12-22 03:04:23 補充：
我體返你既檔案先知你原來咁細個，仲讀緊五年班，唔怪得知佢哋會體中你啦，你俾人呃，唔係完全你既錯，因為你入世未深，唔係好識得分好人同壞人，俾人呃一啲都唔出奇，因為佢哋有心裝你無心，所以好易中招。
你以後要記住啦，唔好隨便相信陌生人講既野，唔好貪小便宜，因為呢個社會有好多壞人同誘惑，只要你貪心或者信念唔夠堅定就好容易上咗壞人既當，所以遇到任何自己解決唔到既問題都要即刻同屋企人商量，咁先係最好既辦法，你仲咁細個，憑你自己既能力係解決唔到呢啲問題架。
加油呀，我支持你！！！

看了您的遭遇，我想到2005 年的 1 月份， 在 铜锣湾 也遇 到女人問我著衫著咩size , and 佢話我身型可能o岩佢地公司,問我得唔得閒上去度下尺寸blah blah blah and etc，好在我赶飞回Singapore, otherwise, i would be another victim....

SO.....除左落落井下石有無其他有用d的建議?